Masalimo 104:5 - Mawu a Mulluku

⁵ Mookeraatthiha ellapo yavatthi vamatthipellellwiiwa wi ehitikheye naari vang'ono.

Masalimo 104:5 ပူးပေါင်းရင်းမြစ်များ

Yobu 26:7

Voohikhalla ello annaanddellella eddullu ya ompoto, aannayitthomeya ellapo yavatthi.

Masalimo 24:2

Vawi tti alliwa yayiikaatthille va enyanja dduullupalli, va mihinje ddoowallamella yaayikeraatthiha.

Masalimo 33:9

Vawi alliwa yaallota nave ddaheereya, yaalamula nave ddahooneya.

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Masalimo 136:6

Yaayimaka ellapo yavatthi vaddullu va maaddi, echikondiiwa yoohisintheya tti ya enthawi yoohimalla.

Masalimo 93:1

Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

Yawuupullulla 6:14

Oddullu waavenyihiwavo wonanko mwinlli woovillikiwa nave orive mwaango ni echilumba ddaavenyihiwa m'mapuroni mwiwa.

Oollalleya 1:4

Mbado mmodda onnamalla, mmodda onnawa koma ellapo yavatthi khenamalla.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

Masalimo 119:90

Ororomelleya wanyu onnakhalla wa mibado ddittheddene, nyuwaano mookeraatthiha ellapo nave khenatikheya.

Miyambo 8:29

Yaphaddiiwa malire a enyanja wi maaddi ehilluphe, yakeraatthihiiwa matthipello a ellapo yavatthi.