Masalimo 103:6 - Mawu a Mulluku

⁶ Apwiya ennaweeruza mweechilungamo ennaweerella echiweruzo attheene oonyingallelliwa.

Masalimo 103:6 ပူးပေါင်းရင်းမြစ်များ

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 9:9

Wa Apwiya tti woothawellawo athu oophittiwa, tti woovulluwellawo enthawi ya ddawoopiha.

Masalimo 72:12

Olliye aneerewaavullusa oopaneya ayo enamwiithana, oohoowa oorama owaakavihera.

Masalimo 146:7

ennaweerella ddoolungama athu oonyingallelliwa, ennaavaha yoocha athu eettalla. Apwiya ennaattaphulla a mundende,

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Masalimo 72:4

Mwene aneerewaateteza oohoowa, aneerewaavullusa oopaneya, koma aneerowoononga awaahoosa akhwiiwa.

Miyambo 23:10

Ohisuse malire akhalle apaalle ovollowa muwari mwa emata ya akhwaadduni

Masalimo 35:10

Kineerohakallalla ni murima muttheene kineerollota wi, “Ttaani anaaphwanaphwane ni nyu Apwiya, nyu munamuvullusa oofooka wa muthu amasiva manchichi, nyu munamuvullusa oohoowa wa muthu oomwiiyera.

Luka 14:22

Nave mullupa muttekooyo awiithanille athwaayo aallota wi, ‘Apwiya, mwaakilamulalleenyu koheera koma enyumbeeyo kheddanlle.’