Masalimo 103:5 - Mawu a Mulluku

⁵ Tti alliwa enuuvoniha ni ddaphaama enthawi ettheene ya okumaawo, sika onnakhalla ni masiva anaanweene wonanko mpungu.

Masalimo 103:5 ပူးပေါင်းရင်းမြစ်များ

Yesaya 40:31

Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.

Masalimo 107:9

Apwiya ennamuwiryiha muthu oovolliwa nthona, ennamuchiha ddeko ddaphaama oovolliwa ettalla.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

Masalimo 63:5

Muneerokivoniha ni ddoonuna, kineerewuutitimihani ni mawu oohakallalla.

Masalimo 104:28

Mwaddivaha ddinnayaakhella, mwattaphurusa nnatta nanyu ddinnavona.

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Yoswa 14:11

Koma ollellova kookhalla ni masiva wonanko mmo kakhallelleemi enthawi yeelle Mose akirumeeye. Kookhalla ni masiva wawi ttuuwora owanana ekhoto nave ttuuwora weera erive ello.

Yobu 33:25

Mwiillaaye osalalettho monga wa mwaana, ahokollweelle mallapo a esombwaaye.