Masalimo 103:3 - Mawu a Mulluku

³ Tti alliwa enakhululukella machimwaawo mattheene, enachiriha ereta ddawo ddittheddene.

Masalimo 103:3 ပူးပေါင်းရင်းမြစ်များ

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Yesaya 53:5

Yaamuhoma ekaamba ya machimwaahu, yaamuphinyulla ekaamba ya ddoolakwa ddahu. Ollaka nko wamumorenlle olliye woonivaha hi murendelle, makhwataaye aanichiriha.

Masalimo 30:2

Apwiya Mullukwaaka, kahinlla wi mukikavihere nave mwaakichiriha.

Yeremiya 17:14

Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Masalimo 147:3

Ennaachiriha athu a murima woovoreya, ennaamaka makhwatiiwa.

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Mariko 2:5

Yesu vawoonani echikhulupililwiiwa, aallota wa oorakallooyo wi, “Mukhwaaka, machimwaawo aakhululukiwa.”

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

Masalimo 130:8

Eneerowoopolla Aisraele o machimwiiwa mattheene.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Yesaya 33:24

Khaavo mwiillaponimmo anaallote wi, “Kinimavoriiwa.” Athu attheene a wenko eneerokhululukelliwa machimwiiwa.

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

Masalimo 41:8

“Yommorella ereta eyo anaakhweeyena, khavenyattho mvo akonaatthilleeye.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 130:4

Koma nyu, munnakhululuka, wi mooviweke.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.