Masalimo 103:17 - Mawu a Mulluku

¹⁷ Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

Masalimo 103:17 ပူးပေါင်းရင်းမြစ်များ

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

Eksodo 20:6

Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Yesaya 51:6

Tukhullellani miitthwaanyu oddullu, wehani va ellapo yavatthi. Oddullu oneerorimeella wonanko mwiisi, ellapo yavatthi eneeromalla wonanko yoowara, athwiiwa attheene eneerokhwa wonanko engwillihi. Koma ovullusa waka onaakhalle wa enthawi yoohimalla, woopolla waka wa enthawi ddittheddene.

Yeremiya 31:3

mi kaawooneyella kiri voorekamella. Nyu Aisraele, kinnuukondani ni echikondi yoohisintheya nave kinnavirellella ni echikondaaka yoohisintheya wa nyuwaano.

Masalimo 118:1

Athokozeni Apwiya kaambiiwa tti aphaama, echikondiiwa yoohisintheya tti ya enthawi yoohimalla.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Masalimo 90:16

Onihani mitteko ddanyu wa oorumeyellaanyu, masiva antitimiho nanyu wa aniiwa.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Masalimo 25:6

Nyu Apwiya, upuwellani echifundwaanyu ni echikondaanyu yoohisintheya eyo moonihalleenyu waambeella khalle.

Masalimo 22:31

Eneerollalleya dda ovullusa waye wa athu ayo ehinayariwe ophiyera ollello, voollotani wi Apwiya sika yaavullusalle athwiiwa.

Deuteronomo 10:15

Komave Apwiya yahaakondesesa makhollwaanyu vawi munipuroni mwawaatthoolla athu amodda, yaatthoolla edduullu dda makhollwaanyu, sika wi nyuwaano, ophiyera ollello.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Masalimo 111:3

Mitteko ddiwa tti ddoolemu ni ddoomwene, echilungamwaaye tti wa enthawi yoohimalla.