Masalimo 102:2 - Mawu a Mulluku

² Muhikiipitthihelle ekhovaanyu va nllapo na ddookatamiha ddaka. Kaapelleni maaru wi mwiiwe, mukaakhulle mwawaakuva kaawiithanakani.

Masalimo 102:2 ပူးပေါင်းရင်းမြစ်များ

Masalimo 69:17

Muhikiipitthihelle ekhovaanyu mi oorumeyellaanyu, akuvani okikavihera vawi kiri mu ddookatamiha.

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Masalimo 27:9

Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Masalimo 70:1

Nyu Apwiya, kivulluseni! Nyu Apwiya, akuvani okikavihera!

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 71:2

Kaakihereni nave kivulluseni kaambiiwa nyu tti oolungama. Kaapelleni maaru wi mukiiwe nave mukivulluse.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Masalimo 40:13

Nyu Apwiya, kivulluseni! Nyu Apwiya, akuvani okikavihera!

Masalimo 31:2

Kaapelleni maaru wi mukiiwe, akuvani wi mukivulluse. Mukhalle nlluku naka noothawellawo, mpandaaka woollipa wookivullusa.

Masalimo 22:19

Koma nyu Apwiya muhinakirekamella, nyu masivaaka, akuvani wi mukikavihere.

Masalimo 13:1

Nyu Apwiya, munaakitiwalle ophiyera niini? Ethiyo munaakiipitthihelle ekhovaanyu wa enthawi yoohimalla?

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yobu 7:21

Kaambiiwa tini muhinakikhululukelleenyu machimwaaka ni okivenyihella ddoolakwa ddaka ddittheddene? Vawi enthawi yoovollowa mu mahame ehanlle vang'ono, muneerokaasha koma khamuwa mukoonattho.”

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Eksodo 2:24

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo.

Masalimo 17:1

Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.