Masalimo 102:17 - Mawu a Mulluku

¹⁷ Eneeropwatha nivekello na athwiiwa ootathilliwa, khevevulla ovekella wiwa.

Masalimo 102:17 ပူးပေါင်းရင်းမြစ်များ

Nehemiya 1:6

Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

Masalimo 72:12

Olliye aneerewaavullusa oopaneya ayo enamwiithana, oohoowa oorama owaakavihera.

Masalimo 22:24

Vawi kheyaamuvevullalle muthu oohoosiwa, kheyaananariwalle ni ohoosiwa waye. Khemwiipitthihelle ekhoviiwa, koma yaamwiiwa inlleeye.”

Masalimo 9:18

Koma ohoowa khetiwalliwa wa enthawi yoohimalla, etiyerello ya oophittiwa kheyoonongeya wa enthawi yoohimalla.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Masalimo 69:23

Miitthwiiwa ewe epiphi wi ehiwore woona eyuuni ddiwa dditthukumelleke.

Nehemiya 2:20

Vano kaawaakhulla wi, “Mulluku ooddullu aneeronikavihera wi ddeko ddineetelleke phaama nave hiyaano allupa muttekwaaye nineeromakattho koma nyuwaano khamunna embali apaalle odindo naarittho erive ello yawi ttuuwuupuwellanani mu Yerusalemu.”

Masalimo 147:2

Apwiya ennamumakattho Yerusalemu, ennaatthukumaniha Aisraele oopallalleya.

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Yeremiya 31:38

Apwiya enallota wi, “Enthawi enimawa mvo miyaano Apwiya kinaamakelliweemi muzinda waambeella o nttattha na Hananele ophiya o mullako wa Ekona.