Masalimo 101:5 - Mawu a Mulluku

⁵ Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Masalimo 101:5 ပူးပေါင်းရင်းမြစ်များ

Masalimo 18:27

Vallethi awiiyeviha munnaavullusa koma awiitukhulla munnaayeviha.

Masalimo 15:3

Tti oyo ahinatetemura aallotaka, oyo ahinaweerella akhwaaye ddoonanara, oyo ahinamullota miseche mukhwaaye.

Miyambo 30:13

Vookhalla amodda awiitukhulla, ooddeesa aphaama wunchichi.

Masalimo 50:20

Onnakeraatthi onamullota miseche mbalaawo, onnatetemura dda ookhumana erukullu emodda.

Tito 2:3

Waalleelle atthiyana awuulluvalla mwawi ddiiddattho wi makhallellwiiwa ekhalle aweella. Ehaalloteke akhwiiwa, ehilloteke ddoonanara dda akhwiiwa apaalle okhalla akaporo oowirya ottheka. Enapaalleya wi ehuddiheke ddaphaama,

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Miyambo 20:19

Nawunawu aweeteeta annawulula ddoovittheya sika ohaattane ni muthu oollota mookarangeya.

Ezekiele 22:9

Mwa weyaano mookhalla anawunawu wi ewiiphellevo akhwiiwa, amodda oocha ddoovelleelliwa mikutho o mafano ni athu amodda aweera ddoonanara.

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

Miyambo 25:23

Wonanko ephevo yoompoto enawiihelliiwa murimu awoononga emoddamoddave nllumi namiseche ninashihelliiwa murima.

Miyambo 10:18

Anavittha wiitana tti a eyano yawoottha nave oollota miseche tti ookarangeya.

Masalimo 138:6

Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

Levitiko 19:16

Muhinakhallaka nawunawu. Nave muthu mmodda akhalla ni mullatu muvelleelleke omboni wawoona wi mumukavihere wakhalla wooworeya. Mi tti Apwiya.

Eksodo 23:1

“Ohinamoottheraka muthu mmodda. Ohilloteke omboni wawoottha nave ohimukavihereke muthu oolakwa voovelleellani omboni wawoottha.

Eksodo 20:16

“Ohivelleelle omboni woomootthera mukhwaawo.

1 Timoteo 3:11

Awariwattho ekhalleke oovahiwa olemu, oohillota ddoonanara dda akhwiiwa, ekhalle awiihiiha ni oororomelleya mu ddittheddene.

Miyambo 21:4

Wiitukhulla ni wiinyarulla tti enyali ya oonanara, tti nichimo.