Masalimo 101:3 - Mawu a Mulluku

³ miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

Masalimo 101:3 ပူးပေါင်းရင်းမြစ်များ

Masalimo 119:37

Hiihani miitthwaaka wi ehiweheke etthiru, kivaheni okumi moollikana ni mmo mwalonjezelleenyu.

Yobu 31:1

Kaakeraatthiha echipangano ni miitthwaaka, ngiwa kimuweha namwalli moomusilila.

Miyambo 6:25

Ohikuseyeke murima ni oreera waye, ohikopeyeke ni miitthwaaye.

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Masalimo 40:4

Oodala tti muthu oyo anaaroromella Apwiya, muthu oyo ahinahapuwella o mafano, othwara milluku ddawoottha.

Eksodo 20:17

“Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

Deuteronomo 15:9

Muchenjere wi muhiwatteelleke okongoliha ni maganizo oonanara awi muyakha wookhululukella ekongoli ori vakhuviru. Mwaahimoollowella matta mukhwiinyu oohoowa, oohimuvaha ello olliye aneerewuusumellani wa Apwiya vawinllani nave muneerophwanyeya oochimwa.

2 Petro 2:21

Waaweerokhalla waphaama yaahidduwenlle ettilla ya echilungamo ohiyana ni oyidduwella nave waahiya malamulo aweella yaavahiwe wa alliwa.

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Oollalleya 6:9

Wiimoona oweha tti wookhwaranya opaalla m'murimanimurimani. Ddennddattho khaddinna mutteko nave waashaasha ddenndda tti wiikatamiha.

Yoswa 23:6

Sika mullipe murima wunchichi, osunga ni weera ddittheddene ddilembiwe mu nibukhu na malamulo a Mose, oohihapuwella onnattanatta apaalle nnatta noonyottho.

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

Masalimo 119:113

Kinniitanana a mirima miilli, koma kinnakonda mawaanyu.

Masalimo 78:41

Wiilliwiilli naanamweesa, yaanamullika Aweella a Israele.

Masalimo 14:3

Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 30:11

Khaweni nko, oohinitiyella ettilla. Khaninapaalla wiiwattho dda Aweella a Israele.’ ”

Masalimo 39:1

Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

Masalimo 97:10

Apwiya ennaakonda athu awiitana ni ddoonanara, ennasunga okumi wa athwiiwa oororomelleya, ennaavullusa m'mattani mwa athu oonanara.

Masalimo 78:57

Alliwa yaari oohiroromelleya wonanko makhollwiiwa, yaari oolleka wonanko muura woollova.

Masalimo 36:3

Mawu avayanoni vaye tti oonanara nave oolleka, khaneerattho ddeezeru apaalle ddaphaama.

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

Deuteronomo 13:17

Muhiphare erive ello yoophwanella woonongiwa wi Apwiya ehuushellenittho murima koma yuumorelleni ethakaraka nave eweerelleni echifundo ni owaatihani moollikana ni mmo yallupenlliiwa wa makhollwaanyu.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Masalimo 139:22

Kinniitanana wiitanawiitana, kinnaweesa adanaaka.

Miyambo 6:12

Muthu oohikhalla ni mutteko, oonanara, waaye tti woottha,

Miyambo 6:13

ollota ni miittho, ovarittha ni manyallo apaalle otthoonya ni eyaalla.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Zekariya 8:17

Muhiganizeraneke ddoonanara m'murimani mwanyu mmodda ni mukhwaaye nave muhikondeke ollupella mwawoottha vawi mi Apwiya Amasiva Mattheene kinniitanana ddenndda.”