Masalimo 101:2 - Mawu a Mulluku

² Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,

Masalimo 101:2 ပူးပေါင်းရင်းမြစ်များ

Masalimo 119:106

Koollupella nave koosimikiza wi kiiwellelle malangizwaanyu oolungama.

1 Mamwene 9:4

Nave we, waaweetaka vamiitthoni vaka wonanko mmo attiittho Davide yeetelliiwa ni murima wawoona ni woolungama nave waaweeraka ddittheddene kuulamulalleemi ni osunga mawaaka ni malangizwaaka,

Masalimo 119:115

Nyu aweera ddoonanara kivenyerenivoni wi miyaano kithwareke malamulo a Mullukwaaka.

Masalimo 101:6

Miitthwaaka enaakhalle va oororomelleya a mwiillaponi wi ekhalle ni miyaano. Aweeta mu ettilla yaphaama eneerokirumeyella.

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

1 Mamwene 11:4

Vano Solomoni uulluvanlleeye awariyaayo yaamurukunusa murima wi allapelleke milluku ddimodda. Olliye khaari oororomelleya wa Apwiya mullukwaaye wonanko Davide attiitthinnya.

Deuteronomo 6:7

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

2 Epilli 15:17

Olliye khaavenyihalle mapuro oollapellamo mafano o Israele komave Asa aari oororomelleyesesa mu enthawi ettheene ya okumaaye.

1 Samuele 22:14

Koma Ahimeleki aamwaakhulla mwene wi, “Apwiya, ttaani mwa oohoollella ekhoto attheene oyo ari oororomelleya wonanko Davide? Olliyoolle tti mukamwenaanyu, oohoollella akhoto awuutetezani navettho muthu ooriiheya mwa athu attheene eri mu enyumbaanyu.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Yesaya 38:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Masalimo 26:11

Koma miyaano kinneeta moolungama. Mukeerelle echifundo nave mukivulluse.