Masalimo 10:17 - Mawu a Mulluku

¹⁷ Apwiya, munniiwa nnddo oohoosiwa enavekiiwa, munnaallipiha mwiilli, munnawaapella maaru.

Masalimo 10:17 ပူးပေါင်းရင်းမြစ်များ

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

2 Epilli 34:27

vawi murimaawo woolapa nave wohiiyeviha vamiitthoni va Mulluku, wiiwalleewe mawaaye oohumullulla nipuronna ni athwiiwa enakhallamo nave wohiiyeviha, wohaahulla ddoowara ddawo, wohinlla vamiitthoni vaka, sika kohiiwa ovekella wawo. Mi Apwiya koollota.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

1 Petro 3:12

Miittho a Apwiya eri va oolungama, maarwiiwa ennaapella mavekellwiiwa koma ennaananariwella aweera ddoonanara.”

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Masalimo 37:4

Hakallalla mwa Apwiya, eneerewuuvaha nnddo murimaawo onapaalliiwa.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yakobo 4:10

Mwiiyevihe nyookha vamiitthoni va Apwiya nave eneerowunnuwihani.

Miyambo 16:1

Ddoolinga dda vatthi va murima tti dda muthu koma waakhulla wa nllumi onavenyera wa Apwiya.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

Aroma 8:26

Munepa annawattho onikavihera kaambiiwa hiyaano tti oofooka vawi khaninadduwella mmo ninaphwanellaahu ovekella. Munepa mwaneena annanivekella wa Mulluku ddookhupanya ddoohiworeya ollota.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Miyambo 10:24

Eyo muthu oonanara anayooveeye eneeromumorella koma eyo anapaalla oolungama aneerovahiwa.

Masalimo 9:18

Koma ohoowa khetiwalliwa wa enthawi yoohimalla, etiyerello ya oophittiwa kheyoonongeya wa enthawi yoohimalla.

2 Epilli 29:36

Hezekiya ni athu attheene yaahakallalla ekaamba yawi nnddo Mulluku aweerelleeye ddaheeta phaama.