Masalimo 10:14 - Mawu a Mulluku

¹⁴ Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.

Masalimo 10:14 ပူးပေါင်းရင်းမြစ်များ

Masalimo 68:5

Attiitthiiwa a akhwaadduni, aweeruza aphaama a anaamukhwelle, tti Mulluku oyo anakhalla onipuroni naaye naweella.

Masalimo 146:9

Apwiya ennaateteza alleto, ennamuseera naamukhwelle ni mukhwaadduni, koma ettilla dda athu oonanara ennaddivirikaniha.

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Yeremiya 49:11

Ahiyeni akhwaadduni wi kaallelle nave anaamukhwellaanyu enaakiroromelleke miyaano.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.

1 Petro 4:19

Sika vano ayo enahoosiwa ekaamba ya opaalla wa Mulluku va alliwa, enaphwanella yiivelleelleke weekhiiwa wa Oophatusiiwa oyo ari oororomelleya nave evirellelle weera ddaphaama.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Yeremiya 51:56

Awoononga aamukhumellella Babiloni, akhotwaaye attheene aaphariwa, miira ddiwa ddookothowa. Vallethi Apwiya tti Mulluku oohokollosella, eneerewaahokollosella ddoonanara Ababiloni.

Yeremiya 16:17

Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Miyambo 15:3

Miittho a Apwiya eri virive veko waawehesesa athu oonanara ni aphaama.

Masalimo 35:22

Nyu Apwiya, moonille ddenndda, muhineera ellapo tuu! Nyu Apwiya muhinakirekamella miyaano.

Masalimo 22:11

Muhinakirekamella, vawi ddoohoosa ddookaatamella, khaavo ookikavihera.

2 Epilli 6:23

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

2 Mamwene 9:26

‘Ddawoona, moollikana ni mmo koonelleemi wiiphiwa wa Naboti ni anaaye oddillo, kinuulleella wi kineerowuuhokollosella ddoonanara yeella va emata vaava.’ Sika mukuseni mumvokhelle m'matanimmu moollikana ni nnddo yallotille Apwiya.”

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Genesis 21:17

Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla.

Genesis 31:12

Olliye aallota wi, ‘Tukhulla miitthwaawo nave ona, anankhoro attheene enawellaalla tti amadonthomadontho, amizelemizele ddaweella ni amankhaangamankhaanga. Ddenndda kenre tti miyaano vawi kohoona nnddo Labani anaweerelleeye.

Eksodo 2:25

Sika Mulluku aawoona Aisraelaayo nave aamoriwa ethakaraka.

Eksodo 22:22

Ohimuhoose naamukhwelle apaalle mukhwaadduni.

Eksodo 22:26

Wakusa yawiikhuneella wa muthu mmodda wonanko echikole wi uullivelle makobiraawo, oyihokollose nndduwa nihinavollowe,

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

2 Epilli 24:22

Sika mwene Yowashi khuupuwelle ddaphaama nnddo Yehoyada attiitthinnya a Zekariya amweerelleeye koma aamwiipha mwanaye. Nave vookhwani aallota wi, “Apwiya ennoona nave ehokolloselle!”

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

Masalimo 68:6

Mulluku annaavaha mapuro athu oohalla weekhiiwa ekhallekemo, a mundende annaakhumiha wi ekhalle oottaphulliwa koma oowukila annawiikarella o ethaya yooguga.

Miyambo 15:25

Apwiya ennakumulla enyumba ya muthu awiitukhulla koma ennaateteza malire a naamukhwelle.

Maliro 3:59

Nyu Apwiya, mohoona ohoosiwa waka, sika mukeeruzelle phaama mullatwaaka.

Maliro 3:60

Mwahoona mmo yakihokollosellelliiwa, mmo yiiwananelliiwa wi ekeerelle.

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.