Mariko 9:9 - Mawu a Mulluku

⁹ Yakitthalliiwa m'mwaangonimmo, Yesu ahaalamula wi, “Ehimulleelle muthu yoonilliiwannddo, ophiyera mi, Mwaana a Muthu, kivenyille wa ookhwa.”

Mariko 9:9 ပူးပေါင်းရင်းမြစ်များ

Mariko 5:43

Vano Yesu ahaalamulella moollipiha wi ehimulleelle arive muthu ddeereyillennddo. Ahaalleellattho wi emuvahe mwaanooyo yoocha.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Luka 24:46

Nave aallotattho wi, “Ddoolembiwa wi Mesiya anapaalleya wi allakiwe nave avenyettho wa ookhwa nllapo naneeraru.

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Mateyu 12:19

Khakangana ni muthu apaalle okhuwa, mawaaye kheyiiweya m'musewuni.

Mateyu 8:4

Vano Yesu aamulleella wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mariko 7:36

Nave Yesu ahaalamula athu wi ehimulleelle arive muthu koma yaavirellella ovuwihanko naari aavaanyihaka wi ehaalleelleke athu.

Mariko 9:8

Vano enthawi yeeyo ewehillewehille kheyaamoonillettho muthu mmodda koma Yesuve sika aari ni alliwaayo.

Mariko 9:10

Yahiiwellella olamula wayenko koma yaakohana weekhiiwa wi, “Ovenya wa ookhwa anaaka Yesunngu onattaphullella tini?”

Luka 9:36

Mawaalle yamanlliiwa, oohudderaayo yahoona wi Yesu ahanlle yeekhaaye. Nave kheyaallonte ello enthawi yeeyo naari omulleella muthu dda ddeko yoonilliiwannddo.