Mariko 9:2 - Mawu a Mulluku

² Vano viviralle mallapo matthanu ni nimodda, Yesu ahaakusa Petro, Yakobo ni Yohane awellana vaddullu va mwaango woorekama, wenko yaariwo weekhiiwa. Nave Yesu aatthattuwa vamiitthoni viwa.

Mariko 9:2 ပူးပေါင်းရင်းမြစ်များ

Yesaya 33:17

Enthawi yeeyo miitthwaanyu eneeromoona mwene awooneya mooreera nave muneerewoona ellapo yaphaama yooramballalla.

Mariko 5:37

Vano Yesu aavenyavo ni Petro, Yakobo ni Yohane, mwanamunne a Yakobo koma khaawaakhullenlle athu amodda wi athaananena.

Mariko 14:33

Aamukusa Petro, Yakobo ni Yohane. Ahaamba okhupanya ni ohoowa m'murimani.

Eksodo 24:13

Vano Mose aatimulla ni oomurumeyellaaye, Yoswa nave Mosooyo aawella mwaango wa Mulluku.

2 Akorinto 13:1

Vano ella tti enthawi yaneeraru kinaweemi wa nyuwaano. Mawu a Mulluku eni, “Orive mullatu osimikizelliweke ni amboni eelli apaalle araru.”

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

1 Mamwene 18:42

Vano Ahabu aaya acha ni owirya. Koma Eliya aawella vaddullu va mwaango wa Karimele nave awaramella vatthi ahiya murwaaye variyari va makutthaaye.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Mariko 16:12

Ddimallille ddenndda Yesu ahooneyattho ni mooneyello oohiyana wa oohudderaaye eelli ayo yeeta ovenyera o Yerusalemu.

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Luka 6:12

Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Mateyu 14:13

Yesu iiwalleeye dda mwaha wa Yohane, aavenyavo awella ekallawa aya akhalla ohakani, onipuroni na yeekhaaye. Koma athu yiiwalliiwa ya yeella, yaavenya m'matawoni mwiwa emuthwara, vaweetani vatthi.

1 Mamwene 18:33

Eliya aatthatta ekhuninndde munipuroni mwiwa, aphadda eng'ombeelle enthuli enthuli addihiya va ekhunimvo. Vatulli viwa ahaalleella athwaalle wi, “Ddarihani mino misese ni maaddi, mwaahelle va enama yamukuthweeyo ni va ekhuninnddo.”