Mariko 7:5 - Mawu a Mulluku

⁵ Sika Afarisi ni ahuddihi a malamulo yaamukoha Yesu wi, “Kaambiiwa tini oohudderaanyu ehinathwariiwa ehuddiho ya makhollwaahu vawi enacha ni m'mattani moohinawa?”

Mariko 7:5 ပူးပေါင်းရင်းမြစ်များ

2 Atesalonika 3:6

Asinnihu ni arokorihu ninnuulamulani, mu nnddina na Apwiihu Yesu Khrisitu wi mumwallaneke ni ookhulupilila attheene oolesi ni ayo ehinathwara ehuddiho mwaakhenlleenyu wa hiyaano.

Mitteko 21:21

Yaanalleelliwa wi onnaahuddiha Ayuda attheene ayo enakhalla ellapo dda athu ayo ehiri Ayuda wi ehithwareke malamulo a Mose. Wahaalleellattho wi ehaaphaddeke aniiwa apaalle opwatha makhallello a Ayuda.

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

Mitteko 21:24

Mwaakuse muye mwakhallena va Ehakallallo ya makhallello ooddeelliha. Nave mwaavahe makobiri awi yallivelle voochemani meehi. Mweera ddiiddo athu attheene eneerodduwella wi tti ddawoottha nnddo yiiwalliiwa nave wi nyuwaano munnapwatha malamulo a Mose.

Mateyu 15:2

“Kaambiiwa tini oohudderaanyu kheniiwellella ehuddiho ya makhollwaahu?* Vawi yaachaka khenanawa moollikana ni ehuddihweella!”

Aroma 4:12

Olliyettho tti nikhollo na athu attheene oophaddiwa, ohikhalla oophaddiwave komattho ayo enattakihera echikhulupililo eyo yaari ni nikhollo nahu, Abrahamu, ahinaphaddiwe.

2 Atesalonika 3:11

Ninallota ddenndda kaambiiwa ninniiwa wi vookhalla athu amodda oolesi variyari vanyu ayo ehinaphara ello nave enatthuperiwa ni ddaaneena.

Mariko 7:8

“Moohiya malamulo a Mulluku koma munathwara ehuddiho ya athu.”

Mariko 7:9

Nave Yesu aallota wi, “Mookhalla ni ettilla ddaphaama wa weekhiinyu ddookhootella malamulo a Mulluku wi muthwareke ehuddiho ddanyu.

Mariko 7:13

Mwawi ddiidda munnavevulla mawu a Mulluku vawi muniiwellella ehuddihwaanyu. Nave munneera ddeko ddinchichi ddoophwanaphwana ni ddenndda.”