Mariko 7:4 - Mawu a Mulluku

⁴ Naari yaavenyeraka omusika kheyaacha ehinahape. Nave yaanathwarattho ehuddiho ddimodda ddinchichi dda makhollwiiwa wonanko ohuwa makapu oowiryella, epalli ni ddeko ddimodda ddawaapeyellamo ddoocha.

Mariko 7:4 ပူးပေါင်းရင်းမြစ်များ

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Mateyu 23:25

“Nyu, awoottha, ahuddihi a malamulo ni Afarisi, mookhalla ni otulli! Munnahuwa otte wa kapu ni embale koma muwari mwiwa tti mooddalla ni dda nrima ni dda wiikonda.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yohane 2:6

Ayuda aakhalla ni malamulo a meellihello. Nave ekaamba ya yeella vaakhalla mino dditthanu ni mmodda. Orive muno woophwanella oddalla ni maaddi owaatamella malita 100.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yesaya 1:16

Hapani, ddeelliheni nyookha nave venyihanivoni vamiitthoni vaka mitteko ddanyu ddoonanara. Ddawoona, hiyani weera ddoonanara

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Yohane 3:25

Vano oohuddera amodda a Yohane yahaamba ovaanyihana ni Muyuda mmodda malamulo dda meellihello.

Yeremiya 35:5

Vano kaahiya mino ddooddalla ni vinyo ni makapu oowiryella vamiitthoni va Arekabu nave kahaalleella wi, “Muwiryeni vinyo.”

Mateyu 23:26

Mufarisi oohoona we! Waambe ohuwa muwari mwa kapu navettho otte onawa okhalle waweella.

Mariko 7:8

“Moohiya malamulo a Mulluku koma munathwara ehuddiho ya athu.”