Mariko 2:5 - Mawu a Mulluku

⁵ Yesu vawoonani echikhulupililwiiwa, aallota wa oorakallooyo wi, “Mukhwaaka, machimwaawo aakhululukiwa.”

Mariko 2:5 ပူးပေါင်းရင်းမြစ်များ

Mateyu 9:2

Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

Mateyu 9:22

Yesu aarukunuwa amoona olliyooyo nave aallota wi, “Llipa murima, echikhulupilwaawo yohuuchiriha.” Waambeella enthawi yeeyo mutthiyanooyo aachira.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Yohane 5:14

Ddimallille nndda Yesu aakumanana mu enyumba ya Mulluku amulleella wi, “Ngoona, woochira vano, ohichimwettho wi yoonanara yookhwaranya eretaawo eheereye wa weyaano.”

Luka 5:20

Yesu vawoonani echikhulupililwiiwa, aallota wa oorakallooyo wi, “Mukhwaaka, machimwaawo aakhululukiwa.”

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

2 Akorinto 2:10

Mwamukhululukella muthu yoolla nameenettho kinnaakhululukella. Vawi eyo kikhululukelleemi, yaari erivo ello yoopaalleya okhululukella, kinakhululukella ekaamba ya nyuwaano ni vamiitthoni va Khrisitu.

1 Akorinto 11:30

Ella sika ekaambiiwa anchichi a nyuwaano tti oofooka ni oovoriiwa nave naari amodda aakhwa.

Mitteko 14:9

Muthooyo aamwiiwa Paulo allotaka. Vano Paulo aamuwehesesa nave ahoona wi muthooyo annakhulupilila wawi ttuuwora ochira.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Luka 8:48

Yesu aamulleella wi, “Echikhulupilwaawo yoohuuchiriha, rowa ni murendelle.”

Mariko 5:34

Yesu aallota wa mutthiyanooyo wi, “Mutthiyana we, echikhulupilwaawo yohuuchiriha. Rowa ni murendelle, woochirihiwa.”

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Genesis 22:12

Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”

Mateyu 9:5

Yookhweya ttiivi, ollota wi, ‘Machimwaawo aakhululukiwa,’ apaalle ollota wi, ‘Venya weete?’

Mariko 2:6

Ahuddihi a malamulo* yakeraatthille vaavwaayo, yahiikoha weekhiiwa m'murimani mwiwa wi,