Mariko 13:3 - Mawu a Mulluku

³ Yesu aakeraatthi va mwaango wa Olivi, moowehana ni enyumba ya Mulluku. Vano Petro, Yakobo, Yohane ni Andreya yaawa wa olliye mwa weekhiiwa.

Mariko 13:3 ပူးပေါင်းရင်းမြစ်များ

Mariko 4:34

Khaallota erive ello wa alliwaayo moohiphariha mutteko niphwanaphwaniho. Koma akhalla yeekhaaye ni oohudderaaye aanaatthopoollella ddittheddene.

Mateyu 21:1

Yesu ni oohudderaaye yaatamelliiwa o Yerusalemu yaaphiya mu etawoni ya Betefage o mwaango wa Olivi. Vano Yesu ahaarumiha oohudderaaye eelli wi ehoolle.

Mariko 14:33

Aamukusa Petro, Yakobo ni Yohane. Ahaamba okhupanya ni ohoowa m'murimani.

Mariko 10:35

Yakobo ni Yohane, anamwani a Zebedayo, yaawa wa Yesu ellota wi, “Ahuddihi, ninapaalla wi muneerelle erive ello ninaavekeehu.”

Mariko 9:2

Vano viviralle mallapo matthanu ni nimodda, Yesu ahaakusa Petro, Yakobo ni Yohane awellana vaddullu va mwaango woorekama, wenko yaariwo weekhiiwa. Nave Yesu aatthattuwa vamiitthoni viwa.

Mariko 5:37

Vano Yesu aavenyavo ni Petro, Yakobo ni Yohane, mwanamunne a Yakobo koma khaawaakhullenlle athu amodda wi athaananena.

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Mateyu 17:1

Vano viviralle mallapo matthanu ni nimodda, Yesu ahaakusa Petro, Yakobo ni mwanamunne Yohane awellana vaddullu vamwaangoni woorekama, wenko yaariwo weekhiiwa.

Mateyu 13:36

Yesu aahiyalleeye athwaalle, aavollowa mpa. Oohudderaaye yaawa ellota wi, “Nganilleelleni ottaphullella wa niphwanaphwanihonne na nansongole a m'matani.”

Mateyu 13:10

Vano oohuddera yaaphiya wa Yesu nave yaamukoha wi, “Kaambiiwa tini athwaalla munaallotella m'maphwanaphwanihoni?”

Mariko 13:4

Yaamukoha wi, “Nilleelleni, ddenndda ddineereye niini? Echizindikiro yawi enthaweeyo yookwakhwana enaakhalle yawiidde?”