Mariko 12:2 - Mawu a Mulluku

² Yakwakhwanilliiwa enthawi yootthukumaniha ezipaso ddampesooyo, aamuruma mullupa muttekwaaye wa oollimaayo wi aakhelle ezipaso dda m'matanimmo.

Mariko 12:2 ပူးပေါင်းရင်းမြစ်များ

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Luka 20:10

Yakwakhwanilliiwa enthawi yootthukumaniha ezipaso ddampesooyo, aamuruma mullupa muttekwaaye wa oollimaayo wi aakhelle ezipaso dda m'matanimmo. Oollimaayo yaamuukutha, emuhokollosa ehimuvahille ello.

Luka 12:48

Koma mullupa mutteko oyo ahinadduwella ello apwinnya enapaalliiwa wi eere nave eera ddoophwanella ollakiwana, aneerewuukuthiwa vang'ono. Nave muthu avahiwe ddeko ddinchichi aneerohokollosa ddinchichi nave muthu avahiwe ddawaatesesa aneerohokollosa ddawaatesesa.”

Mateyu 21:34

Yakwakhwanilliiwa enthawi yootthukumaniha ezipaso ddampesooyo, ahaarumiha allupa muttekwaaye wa oollimaayo wi yaakhelle ezipaso dda m'matanimmo.

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Ezara 9:11

mwanilamulalleenyu oyeella mwa anamallotella oorumeyellaanyu ollota wi, ‘Ellapo munavollowaanyumweeyo wi mwaakha tti ellapo yooripihiwa ni ddoonanara dda athu a mwemmo nnddo ddiddallille ellapweeyo ovenyera o embali emodda ophiya o embali emoddattho.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

Mariko 12:1

Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso ddampesa. Aamaka mpanda moowaapheella emateeyo, aasema nlliti moovotellamo ezipaso ddampesa, aamaka nttattha nookeraatthivo yaaweheraka emateeyo. Vano aapolleyiha emateeyo wa athu oollima nave olliye avenyavo aya o ellapo emodda.

Mariko 12:3

Oollimaayo yaamuphara mullupa muttekooyo, emuukutha, emuhokollosa ehimuvahille ello.