Mariko 10:2 - Mawu a Mulluku

² Afarisi* amodda yaawa wa olliyooyo, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye?”

Mariko 10:2 ပူးပေါင်းရင်းမြစ်များ

Yohane 8:6

Yaallotille ddenndda wi emweese Yesu wi emphwanyelle mullatu woomuvaanyihera. Koma Yesu aawaramella vatthi analemba vatthi ni eyaallaaye.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

1 Akorinto 10:9

Nihimweese Apwiya wonanko amodda a alliwaayo vawi yahiiphiwa ni enowa.

Yohane 11:57

Vano allupa mukutho uullupalli ni Afarisi yaalamula wi muthu mmodda adduwella nko ariiyewo, aalleelle wi yammake.

Yohane 11:47

Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Yohane 7:48

“Moodduwella wi khaavo naari mmodda a attekweene a Ayuda naari Mufarisi mmodda oyo amukhulupililalle olliyoolle.

Yohane 7:32

Afarisi* yiiwalliiwa athu enong'onaka dda Yesu m'mullokoni mulle, alliwaayo ni allupa mukutho uullupalli yahaaruma akhoto a o enyumba ya Mulluku wi yammake.

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Luka 11:39

Vano Apwiya yaallota wi, “Nyu Afarisi, munnahuwa otte wa kapu ni embale koma muwari mwanyu muddanlle nrima ni ddoonanara.

Luka 7:30

Koma Afarisi* ni ahuddihi a malamulo* kheyawakhullenlle ddoopaalla dda Mulluku vookhootani obatiziwa ni Yohane.)

Luka 6:7

Ahuddihi a malamulo* amodda ni Afarisi amodda yaamweetellella Yesu wi yoone eeki amuchirihe muthooyo va nllapo na Sabata wi emphwanyelle yoomwiipella mullatu.

Luka 5:30

Afarisi amodda ni ahuddihiiwa a malamulo yahaamba owinya, yaakoha oohudderaaye wi, “Kaambiiwa tini munacheenyu ni owirya ni ookhomiha misonkho ni athu amodda oochimwa?”

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Mariko 8:11

Afarisi* amodda yaawa wa Yesu yaamba okohanana ni olliyooyo. Yapaalla omweesa, sika yaamuveka echizindikiro yoovenyera oddullu yawooniha wi Mulluku sika amurumihalle.

Mateyu 22:35

nave mmodda a yaayo, muhuddihi a malamulo,* aamukoha Yesu wi amweese.

Mateyu 19:3

Afarisi* amodda yaawa wa olliye, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye va erive ekaamba anapaalleeye?”

Mateyu 16:1

Afarisi* amodda ni Asaduki* amodda yaawa wa Yesu. Yapaalla omweesa, sika yaamuveka echizindikiro yoovenyera oddullu yawooniha wi Mulluku sika amurumihalle.

Mateyu 15:12

Vano oohudderaalle yaawa wa olliye ellota wi, “Munnadduwella wi Afarisaalle yaasha murima ni nnddo mwaallotilleenyu?”

Mateyu 9:34

Koma Afarisi yaallota wi, “Tti muullupalli a minepa ddoonanara anamuvaha Yesu masiva ookhumiha minepa ddoonanara.”

Malaki 2:16

Apwiya Mulluku a Israele enallota wi, “Kinniitana ni omwallana nave ni muthu aweera yoonanara yeella wa mwaariye. Sika onesesani wi ahikhallevo naari mmodda a nyuwaano oyo oohiroromelleya wa mwaariye.”

Mariko 10:1

Yesu aavenyawo onipuroninko, aya o echigawo ya Yudeya ni okhopella wa muhinje wa Yordani. Athu anchichi yaawattho emutthukumanella nave ahaahuddihattho kaambiiwa aaddollweella weera ddiiddo.

Mariko 10:3

Yesu ahaakhulla ni nikoho wi, “Mose uulamulalleni wi tini?”