1 Nngu sika waambeya wa othenga waphaama woollota dda Yesu Khrisitu, Mwaana a Mulluku.
Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.
Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”
Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”
Vano oohuddera ayo yaari mukallawani mulle yaamullapella Yesu, ellota wi, “Ddawoona, kinimuulleellani wi nyuwaano tti Mwaana a Mulluku!”
Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”
Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.
Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.
Nave hiyaano ninnakhulupilila nave ninnadduwella wi nyuwaano tti Aweella oovenyera wa Mulluku.”
Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.
Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”
Sika kohoona yeella nave koovelleella omboni wi yoolla tti Mwaana a Mulluku.”
Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.
Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.
Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?
Yesu ahinaambe muttekwaaye, Yohane aallalleya wa athu attheene a o Israele wi erukunuwe murima nave ebatiziwe.