Maliro 5:6 - Mawu a Mulluku

⁶ Naakokhora vamiitthoni va Aiguputo ni Aasiriya, wi ttuuphwanya yoocha yookwakhwana.

Maliro 5:6 ပူးပေါင်းရင်းမြစ်များ

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 2:18

Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Genesis 24:2

Nllapo nimodda aamulleella mullupa muttekwaaye muullupalli oyo awehera eyuumaaye ettheene wi, “Ngakiphare vatthi va kasambaroolla nave ollupelle.

Ezekiele 17:18

Vawi mwene a o Yuda aatathilla echipangano nave vawi khaathwarille nnddo allupenlleeye khavulluwa.’

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Yesaya 57:9

Munniihella makhura ni ddawunkhella ddinchichi nave munnaya woollapella nifano na Moleki. Munnaaruma amithenga naari o ellapo ya ookhwa.

2 Mamwene 10:15

Yehu avenyillewo, aakumana ni Yehonadabu mwaana a Rekabu oomuchingamella. Vano aamullochella amukoha wi, “Ethiyo maganizwaawo enniiwanana ni miyaano monga ekhallelle aaka ni aawo?” Yonadabu ahaakhulla wi, “Ee, ddaahu tti ddimodda.” Yehu aallota wi, “Ddaari ddiri ddiiddo, kiphare nnatta.” Yehonadabu aavelleella nnatta naye, Yehu aniphara, amuwelliha va nigareta.

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.