Maliro 5:2 - Mawu a Mulluku

² Yoohallanaahu yoovelleelliwa wa alleto, enyumba ddahu ddiri m'mattani mwa athu oovira.

Maliro 5:2 ပူးပေါင်းရင်းမြစ်များ

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.

Ezekiele 7:21

Kineerewaavaha alleto wi yaakhe. Athu oonanara wunchichi a va ellapo yavatthi eneeroddaakha nave eneeroddiripiha.

Yeremiya 6:12

Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Yesaya 5:17

Sika anamwanankhosa eneerocha vaavo wonanko vabusani viwa nave asaanaapuri eneerocha m'matepeni.

Masalimo 109:11

Ookongoliha makobiri aphare ddittheddene ariiyena, alleto yaakhe nnddo aphwanyilleeye ni mitteko ddaye.

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.

Hoseya 8:8

Aisraele aamiryiwa, aatthattuwa wonanko nikattuphe variyari va mitundu ddimodda.