Maliro 5:17 - Mawu a Mulluku

¹⁷ Ekaamba ya yeella mirima ddahu ddookukhumulleya navettho m'miitthoni mwahu moowa epiphi.

Maliro 5:17 ပူးပေါင်းရင်းမြစ်များ

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Masalimo 6:7

Miitthwaaka aawa epiphi ni winlla, aafooka ekaamba ya adanaaka attheene.

Yobu 17:7

Miitthwaaka aaripa ni ethakaraka, kihanlle makhuvave.

Yesaya 38:14

Kaaninlla wonanko neenkhaare oopaneya, kaaniipullella wonanko ekhunda yookhupanya. Miitthwaaka yaatopa ni oweha oddullu. Nyu Apwiya, kinnahoosiwa, waawoni mukaakihe.

Mika 6:13

Sika kohaamba wuullakani ni owoonongani ekaamba ya machimwaanyu.

Ezekiele 21:15

Athwaaka eneerotathilla murima ni omora. Kohaakhozera nsupada noonyezimilla. Nineerosherima wonanko ettari nave koonirumiha o mizinda wi niwiiphe.

Ezekiele 21:7

Yuukoha eyo oniipullelleewe, waalleelle wi, ‘Kiniipullella ekaamba ya miyaha kiiwalleeminndda.’ Ddeereya ddennddo mirima ddiwa ddineerekotthukumella nave mattiiwa mattheene eneerofooka, eneerotathilla murima, m'makutthani mwiwa muneerekotthukumella. Ddinimawa nave ddineereweereya. Mi Apwiya Mulluku koollota.”

Maliro 1:22

“Muweeruze va mitteko ddiwa ddittheddene ddoonanara, mwaallake wonanko mwakillakelleenyu ekaamba ya ddoolakwa ddaka ddittheddene. Kinimiipullella wunchichi, nave murimaaka woofookellaatu.”

Maliro 1:13

“Aarumiha munllo ovenyera oddullu, waavollowa ophiyera muwari mwa makhuvaaka. Aareya mullapa manyallwaaka, nave aakihokollosella mutulli. Aakihiya kiri ni ethakaraka ddinchichi, kiri oofooka nllapo nittheene.”

Yeremiya 46:5

Ethiyo vano kinoona tini? Ahoova, aahokollowa, akhotwiiwa aagonjihiwa, enathawa mwawoova, oohiweha mutulli.

Yeremiya 8:18

Okhupanya waka tti woohimalla, murimaaka woofooka.

Masalimo 69:3

Koofooka ni winlla waka, ommilloni waka wohumma, m'mwiitthoni mwaka mookhalla epiphi kinamutiyerelleemi Mullukwaaka.

Masalimo 31:9

Vano mukeerelle echifundo, nyu Apwiya, miitthwaaka ahiipa ekaamba ya ethakaraka, m'murimani mwaka ni m'mwiillini mwaka moofooka.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

Masalimo 38:8

Kootopa nave koonyenyeya, kinniipullella ekaamba yookatamihiwa.