Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”
Mawu a gitala wiipa wa athu, ezitoliro ni mapallapata khewa yiiweyattho mwa weyaano! Arive muthu eeruso khawa aphwanyeyattho mwa weyaano, khamuwa mwiiweyattho mawu oosilla!
Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.
Apwiya Amasiva Mattheene, Mulluku a Israele enallota wi, “Vano va nipuro nenna kineerewaamalliha mawu eehakallallo ni oothapella nave kineerovenyihavo mawu a ootthella ni ootthelliwa nyu moonaka.
Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”