Maliro 4:9 - Mawu a Mulluku

⁹ Anakari tti ayo yiiphiwe vakhotoni, okhwaranya ayo yakhwille ni ettalla. Vawi attallaalla yamalliheya vang'ono vang'ono ekaamba yoorama yoocha.

Maliro 4:9 ပူးပေါင်းရင်းမြစ်များ

Ezekiele 24:23

Muneerowara enduwira, muneerowarattho esapato. Khamoopa ekutho apaalle omoriha miitthori. Koma muneerokatamiheya ekaamba ya machimwaanyu nave muneerekewiipullellellana muthu ni mukhwaaye.

Levitiko 26:39

Naari amodda munaahallenyu nanyeenettho muneerotthollowa mwiillaponi ya adanaanyu ekaamba ya machimwaanyu nave muneerohoowattho ekaamba ya machimo a makhollwaanyu.

Ezekiele 33:10

“We mwaana a muthu, owuupuse Aisraele attheene mawu awi ‘Noollemelliwa ni machimwaahu nave ninnoondana ddoolakwa ddahu. Ethiyo ninaakhalle ni okumi mwawiidde?’

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

2 Mamwene 25:3

Vano va nllapo naneetthanu ni sese mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Deuteronomo 28:51

Eneerewuuchellani eziweto ddanyu ni ddeko ddam'matani ddene ophiyera mukhwille ni ettalla. Kheyuuhiyerani naari vang'ono tirigu, vinyo, makhura a olivi apaalle eziweto, ophiyera yuutthollosilleni.

Yesaya 22:2

We muzinda wooddalla ni wootokollolla! We muzinda wootokollolla ni woonyakulla. Athwaanyu kheyiiphiwe ni nsupada apaalle ni ekhoto.

Ezekiele 4:16

Vano yaallota wi, “We mwaana a muthu, athu a o Yerusalemu kineerewaayevihellavo buledi a nllapo ni nllapo. Athwaayo bulediiwa anaakhalleke oolinga nave enaamucheke ekhupanyaka. Maaddiiwattho enaakhalleke oolinga nave enaawiryeke mwawoova.

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.