Maliro 4:4 - Mawu a Mulluku

⁴ Nllumi na awaamwa ninnuumellella ommilloni ekaamba ya nthona. Anamwani ang'onong'ono ennaveka yoocha koma khaavo anaavaha naari vang'ono.

Maliro 4:4 ပူးပေါင်းရင်းမြစ်များ

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Masalimo 137:6

Nllumi naka niwanddeellelle muddullu mwa muwano mwaka, kaahiwuupuwella we Yerusalemu ni owoona wi weyaano tti ookihakallalliha wunchichi.

Deuteronomo 32:24

Eneerewoonongeya ni ettalla ni oviha mwiilli, eneerewoonongeya ni ereta ddawoopiha ddoohiyanahiyana. Kineerewaarumihella enama ddawoopiha ddamuhakani, eneerollumiwa ni ddawaapadda ddanttipwi.

Luka 10:11

‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Yeremiya 14:3

Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.

2 Mamwene 18:27

Koma olliye aallota wi, “Ethiyo munaganiza wi mwenaaka akirumalle wi killote mawu yaalla wa nyuwaanove ni wa mwenaanyu? Khe ddiiddo! Mi kinallotattho ni athu ookhalla vampandimva ayo enaache mashiiwa ni owirya minyeddo ddiwa wonanko munaaweerelle nyuwaano.”

2 Mamwene 25:3

Vano va nllapo naneetthanu ni sese mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Yesaya 5:13

Sika athwaaka eneerophariwa okaporo ekaamba yoohiiwesesa ddeko. Oohoollelliiwa oovahiwa olemu eneerokhwa ni ettalla nave athu shisha anchichi eneerokhwa ni nthona.