Maliro 4:20 - Mawu a Mulluku

²⁰ Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

Maliro 4:20 ပူးပေါင်းရင်းမြစ်များ

Ezekiele 12:13

Koma kineeromureya nthavi nno ninaamukole. Kineeromukusella o Babiloni ellapo ya Akaldeya koma khoonaka nave anaakhwelle wenko.

Yeremiya 39:5

Koma akhoto a Ababiloni yaamuthwara ophiyera yaamphara Zedekiya o matapo o Yeriko. Empharille yaamuyaana wa Nebukadinezara mwene a o Babiloni o Ribula mu ellapo ya Hamati nko yakamunlliiwa mullatwaaye.

2 Samuele 19:21

Enthawi yeeyo Abishai mwaana a Zeruya aakoha wi, “Ethiyo Shimeyoolla khiiphiwa vawi aamuruwana oozoziwa* a Apwiya?”

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

2 Samuele 1:21

“Murimu naari nikame ddihiwe ddirupella va miyaango dda Gilibowa, emata ddittheddene dda vaava ddikhalle ddooguga. Vawi vaava adani yaavevulla yawiitetezella ya muthu amasiva, yawiitetezella ya Saulo eyo ehinapukutiweke ni makhura.”

2 Samuele 1:14

Davide aamukohattho wi, “Yahiwoovihalle tti tini owiipha apwiya, oozoziwa* ni Apwiya?”

Ezekiele 17:18

Vawi mwene a o Yuda aatathilla echipangano nave vawi khaathwarille nnddo allupenlleeye khavulluwa.’

Yeremiya 52:8

Koma akhoto a Ababiloni yaamuthwara Zedekiya ophiyera yaamphara o matapo a Yeriko nave akhotwaaye yaapallalleya emuhiya.

2 Samuele 18:3

Koma athwaayo yaallota wi, “Nyu khamunithwara kaambiiwa hiyaano nathawa adani khenipwatha nave hafu a hiyaano akhwa alliwaayo khenipwatha. Koma nyuwaano tti oopaalleya okhwaranya athu 10,000 a hiyaano. Ella sika ekaambiiwa oriiwa woopaalleya wunchichi wi nyuwaano munirumihelleke nikavihero ovenyera omuzindani wuno.”

1 Samuele 26:16

Nndda weerilleewe khe ddaphaama. Kinimallupella vamiitthoni va Apwiya wi onaphwanella okhwa kaambiiwa khomutetezille mwene, oozoziwa a Apwiya. Ngaweha woone nivaka ni muno wa maaddi nndde ddaari omuruni wawo ddaarimi ddiri wenko.

1 Samuele 26:9

Koma Davide aamulleella Abishai wi, “Iyaayi ohinamwiipha. Vawi Apwiya eneeromullaka oyo anaamuvoreye mwene, oozoziwa* a Apwiya.”

1 Samuele 24:10

Mohoonathi nyookhaanyu wi Apwiya yaakivaha ekari wi kiweerelleni yoopaallaaka ollello munikhunguni mulle. Amodda yaanakiwatihera wi kiwiipheni koma kuuhiyalleni phudda. Kaallota wi, ‘Ngaavoreya apwiya vawi tti mwene oozoziwa a Apwiya.’

1 Samuele 24:6

Vano ahaalleella athwaaye wi, “Wakhalla wooworeya Apwiya ekikavihere wi kihimweerelle yoonanara mwene Saulo, apwiyaaka oozoziwa* ni Apwiya. Kihinamuvoreya vawi tti oozoziwa ni Apwiya.”

1 Samuele 16:6

Attheenaalle ephiyalle, Samuele aamoona Eliyabu mwaana a Yese nave allota m'murimanimurimani wi, “Yoolla ttuukhalla oozoziwa* a Apwiya.”

1 Samuele 12:5

Vaavo Samuele ahaalleella wi, “Apwiya sika amboni variyari va nyuwaano ni miyaano, nayeenettho oozoziwa a Apwiya sika mboni ollellova wi nginna machimo wa nyuwaano.” Nave athwaayo yaallota wi, “Ddawoona, Apwiya sika amboni.”

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Genesis 44:30

Yuda aavirellella ollota wi, “Sika kahokollweella wa attiitthaaka, oorumeyellaanyu, ahiivo musomboolla vawi murima wa attiitthaaka ori va olliye,

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

Yeremiya 52:9

Empharille yaamuyaana wa Nebukadinezara mwene a o Babiloni o Ribula mu ellapo ya Hamati nko akamunlleeye mullatwaaye.

Daniele 4:12

Makukhwiiwa yaari ooreera, ezipaso ddiwa ddaari ddinchichi nave ddaari ddookwakhwanella ellapo yavatthi ettheene. Enama ddamuhakani ddaanakhalla mu muuthuuchiiwa, epallame ddaanakhalla mu enthambi ddiwa nave ddoophatusiwa ddittheddene ddaanacha dda muteekhooyo.”

Oweeruza 9:15

Muteekho wamiiwa wahaakhulla wi, ‘Mwaarimi mupaallaka ni murimaanyu muttheene wi mi kikhalle mwenaanyu, waawoni mwiipitthe m'muuthuuchini mwakammu. Koma mwaaheera ddiiddo munllo oneerokhuma mwa miyaano ni oshellelliha miteekho dda mikunguza dda o Lebanoni.’ ”

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Ezekiele 31:17

Mitundu ddittheddene nnddo ddakhalla m'muuthuuchini mwiwa ekaamba yawiiwananana yaaphwanyana o mahame vamodda ni ayo yiiphiwe okhotoni.

Hoseya 13:10

Nyu mwallota wi, ‘Nivaheni mwene ni oohoollellaahu.’ Ethiyo mwene awi uuvullusenooyo ari wuuwi? Ethiyo oohoollellaanyu awi yuutetezenaayo eri wuuwi?