Maliro 4:19 - Mawu a Mulluku

¹⁹ Athu oonithwara manyallo yaari awaakuva, okhwaranya mipungu ddoovava muddullu. Yaaniikariha omiyaangoni, yaanniipitthella muchipululuni wi enisikite.

Maliro 4:19 ပူးပေါင်းရင်းမြစ်များ

Habakuku 1:8

Akavalwiiwa tti oothamaka okhwaranya ananthavi, awoopiha okhwaranya mimbulu mu echipululu. Oowella va akavalo ennathamaka ovenyera wuuteete, ennaakuva ni okhwatthulla wonanko mpungu onaphara enama.

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Maliro 1:13

“Aarumiha munllo ovenyera oddullu, waavollowa ophiyera muwari mwa makhuvaaka. Aareya mullapa manyallwaaka, nave aakihokollosella mutulli. Aakihiya kiri ni ethakaraka ddinchichi, kiri oofooka nllapo nittheene.”

Hoseya 8:3

Koma Aisraele aakhoota ddaphaama. Sika ekaambiiwa adaniiwa enaawiikarihiiwa.