Maliro 4:11 - Mawu a Mulluku

¹¹ Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Maliro 4:11 ပူးပေါင်းရင်းမြစ်များ

Ezekiele 22:31

Sika ekaambiiwa kaananariwelleemi wunchichi. Kineerowoononga ni osha waka wookhara wonanko munllo. Vano kineerewaallaka mowaahokollosella ddoonanara. Mi Apwiya Mulluku koollota.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Maliro 4:22

Nyu anamwani aatthiyana, Ziyoni, ollakiwa wa machimwaanyu woomalla, Apwiya kheyoonjerera okaporwaanyu. Koma nyu athu a o Edomu, Apwiya eneerewuullakani ekaamba ya machimwaanyu, eneerewoonihella vaweella ddoonanara ddanyu.

Maliro 2:8

Apwiya aasimikiza wi yoononge mipanda dda mwaana aamutthiyana, Ziyoni. Aawulinga ni mukwiiwa nave kheyaawiivanyihalle wi ehaatthollose. Aawinlliha ookhalla vamipandani ni vasirini, attheene enahoowella nimodda.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Ezekiele 6:12

Ayo eri woorekamella eneerokhwa ni mullilli. Ayo eri vakhuviru eneerokhwa ni ekhoto. Nave oohalla eneerokhwa ni ettalla. Mmu sika kinaawoonihelleemi osha murima waka.

Ezekiele 36:18

Kahaashella murima ekaamba ya nikhame na athu nno alliwa yamorihalliiwa mwiillaponimmo nave ekaamba ya mafano ayo alliwa yaripihalliiwana ellapweeyo.

Zefaniya 2:2

adani ehinuumwareni wonanko mallulla, owalli wawoopiha wa Apwiya ohinuumorelleni, nllapo na osha murima wa Apwiya nihinuuphwanyeni.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Yesaya 51:20

Anaawo aakomowa, eri millumillu va misewu ddittheddene wonanko mphoyo ookoliwa munthavini. Wohaamorella osha murima wa Apwiya, ohumullulla wa Mullukwiiwa.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Maliro 2:3

Apwiya yashilliiwa murima, yaakotholla masiviiwa ayo akotella Israele. Yaahokollosa nnatta niwa wooteteza, adani yaariiwa vakhuviru. Osha murimiiwa waallaka nlloko na Yakobo, wonanko munllo wawoononga ddittheddene.

Maliro 2:4

Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.