Maliro 3:56 - Mawu a Mulluku

⁵⁶ Nyuwaano mwahiiwa mawaaka awi, ‘Muhikhoowihe maarwaanyu ephuddeene kaavekellaka miyaano wi mukikavihere.’

Maliro 3:56 ပူးပေါင်းရင်းမြစ်များ

Masalimo 55:1

Nyu Mulluku, kaapelleni maaru wi mwiiwe oveka waka, muhiipitthe kaawuuvekakani.

Yobu 34:28

Yaaweeriha oohoowa winllella wa Mulluku, olliye ahiiwa winlla wa oopaneya.

Aroma 8:26

Munepa annawattho onikavihera kaambiiwa hiyaano tti oofooka vawi khaninadduwella mmo ninaphwanellaahu ovekella. Munepa mwaneena annanivekella wa Mulluku ddookhupanya ddoohiworeya ollota.

Yesaya 38:5

“Hokollowa, wamulleelle Hezekiya wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Sika kineerowaanjerera miyakha khumi ni mitthanu mu okumaawo.

Masalimo 34:6

Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.

Masalimo 66:19

Koma Mulluku ookiiwa, oopwatha mawu a nivekello naka.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

2 Epilli 33:13

Aavekella nave Mulluku ahiiwa oveka waye amuhokollosellattho o Yerusalemu mu omwenaaye. Vano Manase aadduwella wi Apwiya tti Mulluku.

Masalimo 5:2

Mullukwaaka, mwenaaka, iwani winlla waka, wa nyuwaano kinnavekella.

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

Masalimo 55:2

Mukiiwe nave mukaakhulle, murimaaka khori m'mapuroni ekaamba ya ddookatamiha ddaka.

Masalimo 55:18

Eneerovullusa okumaaka kaawanaka ekhoto vawi athu anchichi ennakangana ni miyaano.

Daniele 9:17

Nyu Mullukwaahu, vano iwani nivekello ni oveka wa oorumeyellaanyu navettho ekaamba ya nnddina nanyu ekhovaanyu ewalelle va nipuro nanyu naweella nno nitthattuwalle ntepe.