Maliro 3:39 - Mawu a Mulluku

³⁹ Ethiyo muthu ookumi anakhupanyella tini aallakiwaka ekaamba ya machimwaaye?

Maliro 3:39 ပူးပေါင်းရင်းမြစ်များ

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Miyambo 19:3

Athu ookarangeya ennaddoononga ni ddaweera ddiwa nave m'murimani mwiwa ennaahumullulla Apwiya.

Yeremiya 30:15

Munakhupanyella tini ni nikhwata nanyunna? Nikhwata nanyu khaninavolle. Mullatwaanyu tti muullupalli, machimwaanyu tti manchichi, sika ekaambiiwa kiweerelleemini ddenndda.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Yesaya 51:20

Anaawo aakomowa, eri millumillu va misewu ddittheddene wonanko mphoyo ookoliwa munthavini. Wohaamorella osha murima wa Apwiya, ohumullulla wa Mullukwiiwa.

Yobu 11:6

Aaweerewuutthopoollella ddoovittheya ddeezeru vawi ezeru ddaye tti ddoowallamellesesa. Dduwella wi Mulluku animuullaka vang'ono, moohillikana ni ddoolakwa ddawo.

Ezara 9:13

Nave ddittheddenenndda ddinimorelle ekaamba ya machimwaahu muullupalli. Naarive ddiri ddiiddo, nyu Mullukwaahu munillakille vang'ono moohillikana ni machimwaahu nave mooneeriha wi nihalle wonanko ddikhallelliiwammu.

2 Mamwene 6:32

Enthaweeyo Elisha aari mpa mwaye nave aari nimodda ni attekweene. Vano mwene aamuruma amithenga wi amukuse Elisha. Koma oorumiwooyo ahinaphiye, Elisha ahaalleella attekweenaalle wi, “Haa! Oowiipha atthoolle oomuruma muthu wi akiphadde muru. Aphiya amithengooyo, nyu muwalle nchiwi nave muniphare moollipiha wi ahivollowe. Ethiyo mukhito oniiweya vatulli vaye khohiyo wa pwinnya?”

2 Mamwene 3:13

Vano Elisha aamukoha Yoramu wi, “Munaashawo tini owanihu wuno? Khaweni wa anamallotella a attiitthaanyu ni a ameenyu yavekiiwawo ezeru.” Koma Yoramu aallota wi, “Iyaayi vawi Apwiya sika eniithanille hiyaano wuno wi enivelleelle m'mattani mwa Amowabu.”

Numeri 17:12

Vano Aisraele yaamulleella Mose wi, “Nineerokhwa, nineerotthollowa, nineeroraheya!

Numeri 11:11

Mose ahaakoha Apwiya wi, “Kaambiiwa tini mukihoosilleenyu mwawi ddiidda mi oorumeyellaanyu? Kaambiiwa tini muhikeerelleenyu echifundo vookireyani katundu a athu attheenaalla?

Levitiko 26:43

Koma yaambe oyihiya ethaya wi ehakallallelle miyakha ddawiithuuwa, ellapweeyo yaahikhalla ni athu. Vano alliwa eneerollakeya ekaamba ya machimwiiwa vawi yaakhoota nnddo kaalamulalleemi nave mirima ddiwa ddahiitana ni malangizwaaka.

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Masalimo 107:17

Amodda yaavoriiwa ekaamba ya ettilla ddiwa ddoonanara, ehoosiwa ekaamba ya machimwiiwa.

2 Mamwene 6:33

Elisha Olliye allotaka ni attekweenaayo, mwene aaphiya allota wi, “Yookatamiha yeella enavenyera wa Apwiya. Ethiyo yowaatiyerellattho Apwiya tti tini?”

Yobu 15:13

Ethiyo onamuwukilella tini Mulluku, onamuvevullella tini ni eyanwaawo?

Yeremiya 10:19

Arive muthu a o Yerusalemu aakhuwa wi, “Otulli, nikhwata naka tti nawoopiha! Nikhwata naka tti noomoriha ethakaraka, keesa wi nngu sika ollakiwa waka, sika kineerovillella.