Maliro 3:36 - Mawu a Mulluku

³⁶ Alliwa yaakamullaka mullatu mooweha ekhove ethiyo Apwiya khenoona ddenndda?

Maliro 3:36 ပူးပေါင်းရင်းမြစ်များ

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Yesaya 59:15

Yawoona ennaramawo nave arive muthu ookhoota ddoonanara anniittatthamullella ekhoto.” Apwiya yaaddoona ddenndda nave ddahaananara wi echilungamo kheyiivo.

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

2 Samuele 11:27

Mutthiyanooyo amallihalle omwinllella mamunooyo, Davide aamuruma muthu amukusa awaana o enyumba yoomwene. Nave Davide aamutthella. Mutthiyanooyo aamuyarella mwaana aamullopwana. Koma nnddo eerille Davide ddahaananara Apwiya.

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Masalimo 94:5

Nyu Apwiya, ennaanyenya athwaanyu, ennahoosa yoohallanaanyu.

Miyambo 24:12

Ohillote wi, “Ngoonani, khenaayidduwella.” Ethiyo aweesa mirima khanaddidduwella ddenndda? Ethiyo oosunga okumaawo khanaddidduwella? Ethiyo khanamuhokollosella muthu moollikana ni meerellwaaye?

Maliro 3:59

Nyu Apwiya, mohoona ohoosiwa waka, sika mukeeruzelle phaama mullatwaaka.