Maliro 3:24 - Mawu a Mulluku

²⁴ Kinnallota wi, “Apwiya sika ddaaka ddittheddene, sika etiyerellwaaka eri mwa alliwaayo.”

Maliro 3:24 ပူးပေါင်းရင်းမြစ်များ

Masalimo 73:26

Naari mwiillaaka ni murimaaka ddifookille mwawiidde, Mulluku sika masiva a murimaaka, sika yoohallanaaka wa enthawi yoohimalla.

Masalimo 16:5

Nyu Apwiya sika eyuumaaka ni yoohallanaaka, okumaaka ori m'mattani mwanyu.

Maliro 3:21

Komave vookhallattho emodda kinuupuwellaami, yeeyo ennakillipiha murima.

Masalimo 142:5

Nyu Apwiya, kinnawinllellani kinnallota wi, “Nyu sika woothawellawo waka, yoohallanaaka mu ellapo ya athu ookumi.

Masalimo 33:18

Apwiya ennaawehera athu oowiiwellella, ootiyera echikondiiwa yoohisintheya,

Yeremiya 51:19

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene. Apwiya enallota wi,

Masalimo 31:24

Khallani amasiva nave mullipe murima, nyu attheene owaatiyera Apwiya.

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Masalimo 84:12

Nyu Apwiya Amasiva Mattheene, oodala tti muthu awuuroromellani.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 43:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

Masalimo 119:57

Nyu Apwiya sika yoohallanaaka, kinnalonjeza wiiwellella mawaanyu.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.

Yobu 22:25

Vano Amasiva Mattheene aneerokhalla wonanko golidaawo, aneerokhalla wonanko siliva oowallamella mutengo.

Masalimo 71:14

Koma kineerekewuutiyerellani erive enthawi, kineerovirellella wuutitimihani.

Masalimo 94:19

Okhupanya m'murimani mwaka waawaataka, ddookhurumusa murima ddanyu ddinnakihakallalliha.

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.