Maliro 2:8 - Mawu a Mulluku

⁸ Apwiya aasimikiza wi yoononge mipanda dda mwaana aamutthiyana, Ziyoni. Aawulinga ni mukwiiwa nave kheyaawiivanyihalle wi ehaatthollose. Aawinlliha ookhalla vamipandani ni vasirini, attheene enahoowella nimodda.

Maliro 2:8 ပူးပေါင်းရင်းမြစ်များ

2 Mamwene 21:13

Kineeromullaka Yerusalemu wonanko mmo kamweerelleemi Samariya ni Ahabu ni nibanja naye. Sika kineeromweelliha Yerusalemu vawaavenyihamoni athwaaye wonanko mmo muthu aneerelleeye ni embale, annayihuwa ayigudumeya.

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Yesaya 34:11

Mwiillaponimmo munaakhalle aneekhwaambe, anasiniku, akuukuru ni anakhuku. Apwiya eneeroyitthattusa ellapo yooguga ni yoohikhalla ni ello.

Yesaya 3:26

Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Ezekiele 20:22

Koma ngeerille wi nnddina naka nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Maliro 2:5

Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Yesaya 28:17

Echilungamo sika enaakhalle wonanko mukwe woolingella matthipellwaaye nave weella murima onaakhalle wonanko yawookollellaaye. Koma marallalla eneerewoononga ddawoottha nnddo munaddiroromelleenyu nave echigumula eneeropwiniha nipuro nanyu noovulluwellamo.”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yobu 13:21

Muhiye okillaka, muhikinyenye ni woopiha wanyu.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

Maliro 2:18

Inllellani mookhuwa wa Apwiya, nyu mipanda dda anamwani aatthiyana, Ziyoni. Miitthori ddanyu ddiitheye, wonanko maaddi, otthaana ni mahiiyu. Muhikhalle ni enthawi yawiithuuwa, miitthori ddanyu ddihumme.

Yesaya 22:5

Nna tti nllapo na ddoohoosa, yoogonjihiwa navettho noovirikana mu ntapo na Masomphenya. Apwiya Mulluku Amasiva Mattheene sika eneerenlle ddenndda. Mipanda ddaakumuwa nave athu yinllella omiyaangoni.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.