Maliro 2:7 - Mawu a Mulluku

⁷ Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Maliro 2:7 ပူးပေါင်းရင်းမြစ်များ

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Mateyu 24:2

Nave Yesu aallota wi, “Munnoona ddittheddenenndda? Ddawoona, kinimuulleellani wi, vaava khavikhalla nlluku naari nimodda va nikhwaaye nihinaakumulliwe.”

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.

Maliro 2:5

Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Yeremiya 39:8

Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Masalimo 89:39

Mootathilla echipanganwaanyu ni oorumeyellaanyu, moovokhella munthupini enduwiraaye yoomwene.

Yeremiya 21:4

“Mwamulleelle Zedekiya wi Apwiya Mulluku a Israele anallota wi, ‘Kineerowaakhani ezida ddakhoto ddiri m'mattani mwanyu munawaneenyuna ekhoto ni mwene a o Babiloni ni akhotwaaye ayo ewaaphenlleni ni misasa ddakhoto. Kineerodduukellella ezida dda akhotwaanyu muwari mwa muzindoolla.

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

2 Mamwene 25:9

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yesaya 64:9

Nyu Apwiya, muhivirellelle onishella murima ni wuupuwella machimwaahu wa enthawi yoohimalla. Ngoonani, attheene niri athwaanyu.

Yeremiya 4:26

Kaaweha nave ellapo ya ethaya yaphaama yaatthattuwa echipululu, mizinda ddiwa ddittheddene khemwaari erive ello ekaamba ya osha murima wa Apwiya.

Yeremiya 4:27

Apwiya aallota wi ellapo yavatthi ettheene eneerotthattuwa echipululu komave kheyikokholla.