Maliro 2:6 - Mawu a Mulluku

⁶ Aapwanyulla enyumbiiwa wonanko musasa, Apwiya aamalliha o Ziyoni mallapo a ehakallallo ni a Sabata. Nave eshille murima wunchichi, aamuvevulla mwene ni allupa mukutho.

Maliro 2:6 ပူးပေါင်းရင်းမြစ်များ

Zefaniya 3:18

Va mallapo eehakallallo, kineerewuuvenyihella otulli oyo onuukatamiha ni wuuvevulla.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Maliro 4:16

Apwiya mwaneeniiwa sika yaamwarille, khenapwathawottho dda alliwa. Kheyaavahillettho olemu allupa mukutho, apaalle oweerella echifundo attekweene.

Malaki 2:9

Ekaamba yawi khemwaasungalle mawaaka nave munahuddiha mawaaka mooweha ekhove kineeroweeriha Aisraele wi yuunyaambuseni.”

Ezekiele 17:18

Vawi mwene a o Yuda aatathilla echipangano nave vawi khaathwarille nnddo allupenlleeye khavulluwa.’

Maliro 5:12

Enduna ddinnatthomeyiwa voomakellellani mattiiwa, naarittho attekweene khenavahiwa olemu.

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Yesaya 1:8

Mwaana aamutthiyana Ziyoni ahanlle yeekha wonanko musasa wa oowehera emata yampesa, wonanko musasa mu emata yamihawa, wonankottho muzinda wowaapheelliwa ni ekhoto.

Masalimo 89:40

Mookumulla esiri ddaye ddittheddene, mootthattusa mipanda ddaye ddoollipa matepe.

Masalimo 80:12

Vano kaambiiwa tini mukumullalleenyu mpandaaye wi oovira m'musewuni erukullekena ezipaso ddaye?

Masalimo 76:2

Enyumbaaye eri o Yerusalemu, nipuro naye niri o mwaango wa Ziyoni.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Masalimo 74:7

Enyumbaanyu yaayihella munllo, nipuro nno mwakhalleenyumo, yaaniripiha voonikumullani.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Yeremiya 45:4

Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.