Maliro 2:5 - Mawu a Mulluku

⁵ Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Maliro 2:5 ပူးပေါင်းရင်းမြစ်များ

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Maliro 2:4

Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

2 Mamwene 25:9

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Ezekiele 2:10

Aanittaphurusa akoonihella. Naalembiwa muwari ni otte mawu ookhupanya, awinlla ni ootulli.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yobu 13:24

Ethiyo kaambiiwa tini munakiipitthihelleenyu? Ethiyo munakeesella tini mudanaanyu?

Masalimo 89:40

Mookumulla esiri ddaye ddittheddene, mootthattusa mipanda ddaye ddoollipa matepe.

Yesaya 29:2

kineerohella ekhoto muzinda wa Ariyele. Sika onaakhalle winlla ni okhupanya nave muzindooyo onaatthattuwe eng'anjo ya nikuwa na mukutho.

Yeremiya 21:4

“Mwamulleelle Zedekiya wi Apwiya Mulluku a Israele anallota wi, ‘Kineerowaakhani ezida ddakhoto ddiri m'mattani mwanyu munawaneenyuna ekhoto ni mwene a o Babiloni ni akhotwaaye ayo ewaaphenlleni ni misasa ddakhoto. Kineerodduukellella ezida dda akhotwaanyu muwari mwa muzindoolla.

1 Samuele 28:16

Samuele aallota wi, “Kaambiiwa tini onakipaalleewe miyaano vawi Apwiya ahuullutuwella nave wookhalla mudaniiwa?

Yobu 19:11

Mulluku ookishella murima, anakeesa mudanaaye.

Masalimo 89:41

Attheene oovira ennamwaakha ddeko ddaye, athu oomwaapheella ennamunyemulla.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.