Maliro 2:4 - Mawu a Mulluku

⁴ Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.

Maliro 2:4 ပူးပေါင်းရင်းမြစ်များ

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yobu 6:4

Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Ezekiele 36:18

Kahaashella murima ekaamba ya nikhame na athu nno alliwa yamorihalliiwa mwiillaponimmo nave ekaamba ya mafano ayo alliwa yaripihalliiwana ellapweeyo.

Ezekiele 22:22

Muneereweekeya wonanko mmo siliva aneekeyelleeye vamunlloni. Sika muneerodduwella wi mi tti Apwiya ayo yuushenlleni murima.”

Ezekiele 6:12

Ayo eri woorekamella eneerokhwa ni mullilli. Ayo eri vakhuviru eneerokhwa ni ekhoto. Nave oohalla eneerokhwa ni ettalla. Mmu sika kinaawoonihelleemi osha murima waka.

Ezekiele 5:13

“Muneerodduwella mmo osha murima waka onaaweerelliiwa nave kineerewaasimwella ophiyera murimaaka okhurumuwalle. Sika eneerodduwella wi mi Apwiya koollota mweehache vawuullakani mwawi ddiidda.”

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 3:3

Ddawoona, aakuukutha ni nnatta niwa, aheera ddenndda moohihiyerera nllapo nittheene.

Maliro 2:5

Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Yesaya 63:6

Kahaavota athu a mitundu ddimodda kishille murima nave kahaanyingallella. Nikhame niwa kaaniithella vatthi.”

2 Epilli 34:25

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.’

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

Masalimo 37:14

Oonanara ennahullulla nsupada, ennakoka muura wi ewiiphe ayo eri ni ddookatamiha, oohoowa, ayo eneeta moolungama.

Yeremiya 10:20

Musasaaka wohoonongeya, mikwe ddittheddene ddoophaddeya. Anaaka attheene aakihiya, kheyiivo, khaavo mmodda wi ttuukitthipellella musasa apaalle wi ttuukihuruwella ni ekuwo ddiwa.”

Ezekiele 20:34

Kineerewuuvenyihani variyari va mitundu ddimodda ni wuutthukumanihani ovenyera o ellapo nnddo mwapallalleyelleenyuwo ni nnatta naka namasiva ni muwonwaaka woottaphurusa wooniha osha murima.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

1 Samuele 28:16

Samuele aallota wi, “Kaambiiwa tini onakipaalleewe miyaano vawi Apwiya ahuullutuwella nave wookhalla mudaniiwa?

Yobu 19:11

Mulluku ookishella murima, anakeesa mudanaaye.

Masalimo 7:13

Aneeroddikhoza ezida ddaye ddawoopiha, aneerokusa mipaamba ddamunllo omuurani waye.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Maliro 1:13

“Aarumiha munllo ovenyera oddullu, waavollowa ophiyera muwari mwa makhuvaaka. Aareya mullapa manyallwaaka, nave aakihokollosella mutulli. Aakihiya kiri ni ethakaraka ddinchichi, kiri oofooka nllapo nittheene.”

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Ezekiele 7:14

Nipallapata nohiipiwa nave attheene aakhozeka. Koma khaavo naari mmodda oyo anayaawo okhotoni vawi osha murima waka wohaamorella.”

Ezekiele 13:13

“Ella sika ekaambiiwa mi Apwiya Mulluku kinalloteemi wi, ‘Kineerorumiha ephevo yawoopiha moosha murima. Kineeromurupiha murimu amasiva moowalli Kineeromoriha marallalla muullupalli moovoriiha murima ophiyera esireeyo yoonongeyesese.