Maliro 2:2 - Mawu a Mulluku

² Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Maliro 2:2 ပူးပေါင်းရင်းမြစ်များ

Maliro 3:43

“Nyu mooniikariha mushille murima nave mooniipha moohimoriwa ethakaraka.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Yesaya 25:12

Eneerokumulla mipanda ddiwa ddoorekama, eneeroddikuha ni oddivokhella vatthi, vanthupini.

Masalimo 21:9

Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Maliro 2:5

Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Yesaya 26:5

Ahaakitthiha ookhalla mu nipuro noowella, Ahoononga muzinda wa masiva, Aawukuha ni owuvokhella vatthi, vanthupini.

2 Akorinto 10:4

Ezida ninaphariheehu mutteko voowanani khe dda athu a va ellapo yavatthi koma tti masiva a Mulluku ayo ninaaphariheehu mutteko vawoonongani mipanda ddoollipa. Ninnaagonjiha maganizo oolleka

Mateyu 18:33

Weyaanottho waaweromweerella echifundo mullupa mutteko mukhwaawo, ophwanaphwana ni mmo kaweerelleemi echifundo.’

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Ezekiele 7:9

Ngiweerellani echifundo apaalle wuumorellani ethakaraka. Kineerewuullakani ekaamba ya ddaweera ddanyu navettho ekaamba ya ddoonanara nnddo ddiri va nyuwaano. Vano muneerodduwella wi mi tti Apwiya ayo enuullakani.’ ”

Ezekiele 7:4

Ngiweerella echifundo apaalle wuumorellani ethakaraka. Kineerewuullaka ekaamba ya ddaweera ddawo navettho ekaamba ya ddoonanara nnddo ddiri va weyaano. Vano oneerodduwella wi mi tti Apwiya.”

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yesaya 47:6

Kahaashella murima athwaaka, kahaahambulla wonanko khe yoohallanaaka. Kahaavelleella m'mattani mwawo, weyaano khewaaweerelle echifundo waawummella murima naari awuulluvalla.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yesaya 23:9

Apwiya Amasiva Mattheene sika yasimikizalle ddenndda wi emallihe okota waye ni waakitthiha athu attheene oovahiwa olemu a vatthimva.

Yobu 2:3

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliye veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku. Olliye tti oororomelleya wunchichi naari weyaano wakiwatiherille wi kiwaakhullelle wi omuhoosa vihiri ekaamba.”

Masalimo 74:7

Enyumbaanyu yaayihella munllo, nipuro nno mwakhalleenyumo, yaaniripiha voonikumullani.

Yesaya 22:5

Nna tti nllapo na ddoohoosa, yoogonjihiwa navettho noovirikana mu ntapo na Masomphenya. Apwiya Mulluku Amasiva Mattheene sika eneerenlle ddenndda. Mipanda ddaakumuwa nave athu yinllella omiyaangoni.

Mika 5:14

Kineerokumulla mafanwaanyu a Asherimu mwiillaponi mwanyu nave kineerewoononga mizinda ddiwa.

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”