Maliro 2:19 - Mawu a Mulluku

¹⁹ Venyani nave moope ekutho variyaririyari va mahiiyu, llotani ddoonikohini ddanyu ddittheddene vamiitthoni va Apwiya. Tukhullellani matta muddullu ni ovekella wa Apwiyaayo, ekaamba ya okumi wa aniinyu ayo enangomowa ni ettalla m'misewuni ddittheddene.

Maliro 2:19 ပူးပေါင်းရင်းမြစ်များ

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Masalimo 142:2

Kinnavelleella ddookhupanya ddaka wa alliwa, kinnaromolla ddookatamiha ddaka vamiitthoni viwa.

Mariko 1:35

Ohinase nndduwa nihinakhume Yesu aavenya akhuma mpammo. Aaya onipuroni nayeekha nave wenko aamavekellawo.

1 Samuele 1:15

Koma Hana aamwaakhulla wi, “Mi Apwiya ngimuwiryalle vinyo apaalle yoowirya yoowalli. Kinamoriwa ethakaraka yinchichi vawi kookhalla kinllellaka wa Apwiya ekaamba ya ethakaraka ddakanndda kivekellaka wa Apwiya waakuthullella ddookatamiha kiriimina.”

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Oweeruza 7:19

Sika Gideoni ni athu 100, ayo aariiyena, yaaphiya m'malireni mwa misasanndde variyari va mahiiyu oowehera eri waakakhanihiwa wene. Vano yahiipa mapallapata, epwesa epalli nndde ddaari m'mattani mwiwa.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Luka 6:12

Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Mariko 13:35

Sika weherakani kaambiiwa khamunadduwella mwaneena a enyumba anaawe niini apaalle misikuwa apaalle variyari va mahiiyu apaalle oyaaka ni osa apaalle nndduwa nikhumalle.

Mateyu 14:25

Ohinase enthawi eri variyari va 3 koloko ni 6 koloko, Yesu aawa wa oohudderaalle eetaka va enyanja.

Masalimo 119:55

Nyu Apwiya, kinnuupuwella nnddina nanyu mahiiyu, kinnathwara malamulwaanyu.

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

Yesaya 51:20

Anaawo aakomowa, eri millumillu va misewu ddittheddene wonanko mphoyo ookoliwa munthavini. Wohaamorella osha murima wa Apwiya, ohumullulla wa Mullukwiiwa.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Ezekiele 5:16

Kineerewuuhoma ni ettalla yoohoma wonanko mipaamba ddawoopiha wi ewoononge. Kineeromorihella va weyaano vooyevihani yoochaawo ya nllapo ni nllapo.

Ezekiele 5:10

Sika makhollo eneerewaattakhuna aniiwa variyari vanyu nave anamwani eneerewaattakhuna makhollwiiwa.’ ”

Masalimo 134:2

Tukhullellani mattaanyu o nipuro niwa noopatuleya, atitimiheni Apwiya.

Masalimo 63:4

Kineerewuutitimihani mallapo mattheene a okumaaka, kineerotukhullella mattaaka wa nyuwaano moovekella.

Yobu 3:24

Vawi miitthori sika yoochaaka, wiipullella waka khonamalla.

1 Samuele 7:6

Vano yaatthukumana o Mizipa. Yaarika maaddi enawiithella vatthi mooveka wi Apwiya yaakhululukelle enahalla ocha* nllapo nittheene. Yaanallota wi, “Nohaachimwella Apwiya.” Tti o Mizipa nko Samuele eeruzelleeyewo millatu dda Aisraele.

Nahumu 3:10

Komave athu a o Thebesi yaaphariwa okaporo, aniiwa yaanyenyiwa m'misewuni ddittheddene dda m'muzindani. Adani yahaakawana athu oovuwaayo mwawoombesa, attekweene attheene yahaamaka ni onyolo.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 142:3

Murimaaka wafooka, nyuwaano munnadduwella ddawi mweere. Athu aakireya musampha mu ettilla kineeteemimo

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Mika 1:16

Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”