Maliro 2:16 - Mawu a Mulluku

¹⁶ Adanaawo attheene yoowaatthamella enuunyindulla, enuuttheya ni okhuuriha miinwiiwa. Nave ennallota wi, “Ddawoona, noowoononga! Aha! Nna sika nllapo nanitiyerelleehu! Vano noophiya nave noonoona.”

Maliro 2:16 ပူးပေါင်းရင်းမြစ်များ

Masalimo 35:21

Ennakittheya mookhuwa yootthaka wi, Hehee! Miitthwaahu ahoona nnddo ddeereyille.

Maliro 3:46

Adanaahu attheene aanaatthamella moonyaambusa nave ennaninyindulla.

Masalimo 56:2

Adani ennapaalla okimirya nllapo nittheene vawi anchichi ennakiwukila mwawiitukhulla.

Masalimo 37:12

Muthu oonanara annamupanganella ddoonanara oolungama, annamuttheya moomullumella miino.

Yeremiya 51:34

Nebukadinezara mwene a o Babiloni oonoononga, oonipwesa ni onitathilla wonanko epalli yoohikhalla ni mutteko. Oonimirya wonanko ekonya, oovona ddoocha ddahu ddooddiva, vatulli viwa oonirapheya.

Masalimo 124:3

ddaano enimiryalle niri akumi, valle yashilliiwa murima wunchichi,

Masalimo 35:16

Athwaayo yaanavirellella okinyemulla mweepewe, enakittheya mookillumella miino.

Masalimo 22:13

Aakaatthamella eyano wonanko mukango oyo onathuruma voopaallani okikhaddulla.

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Hoseya 8:8

Aisraele aamiryiwa, aatthattuwa wonanko nikattuphe variyari va mitundu ddimodda.

Ezekiele 36:3

Sika vano ollalleye ni waalleella wi mi Apwiya Mulluku kinallota wi, ‘Adanaanyu yuutthattusalleewani echipululu ni wuunyingallellani o embali ddittheddene ophiyera nyuwaano mwaakhalla m'mattani mwa mitundu ddimodda ddittheddene, athu yaanuullotani ni wuunyemullani.

Ezekiele 25:15

Mi Apwiya Mulluku kinallota wi, “Filisti aamuhokollosella ddoonanara mweekuku athwaaka ni murima wowaavevulla nave aapalla owoononga.

Ezekiele 25:6

Mi Apwiya Mulluku kinallota wi, ‘Mwahoopa m'mattani ni olluphallupha moohakallalla nave mwaanyemulla ellapo ya Israele ni murimaanyu muttheene.

Ezekiele 25:3

Alleelle wi, ‘Nyu Aamoni, iwani mawu a Apwiya Mulluku awi mwaaromolla mawu oonyemulla moonille nipuro naka noopatuleya niripihiwaka, ethaya ya Israele yoonongiwe nave athu a o Yuda ephariwe okaporo.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Yesaya 49:19

Ddawoona, wootthattuwa ntepe, oyo wahiyiwe ni opallallesiwa, Koma vano ookhalla mwa weyaano eneerewaata, weyaano oneeroyeva, athu yawoonongillaalle eneerewuurekamella.

Masalimo 112:10

Muthu oonanara annoona ddenndda, ddinnamushiha murima. Annakhuriiha miino nave annarimeella, ddoopaalla ddaye khaddiwa ddeereya.

Masalimo 109:2

Athu oonanara ni awoottha, ennallota ddookiwukila, ennallota ddookootthera.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Masalimo 41:8

“Yommorella ereta eyo anaakhweeyena, khavenyattho mvo akonaatthilleeye.

Masalimo 35:25

Ehilloteke m'murimani mwiwa wi, ‘Napaalleehu tti ddenndda,’ Muhiwaakhullelle wi ellotekettho wi, ‘Yoolla noomugonjiha.’

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Ezekiele 5:15

Oneerokhalla ello yoovevuwa nave eneerekewuunyemulla. Oneerokhalla wonanko ochenjeza nave ello yawoopiha wa athu a mitundu ddoowaapheella kaawuullakaka mwamasiva, kaakamullaka mullatwaawo moonanariwa ni moowalli. Mi Apwiya Mulluku koollota.

Ezekiele 23:32

“Mi Apwiya Mulluku kinallota wi, ‘Oneeromuwiryella kapu oophwanaphwana ni a muullupallaawo, kapu oowallamella ni muullupalli. Athu eneerewuuttheya ni wuuvevulla kaambiiwa kapooyo tti ooddalla wunchichi.

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.