Maliro 2:14 - Mawu a Mulluku

¹⁴ Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Maliro 2:14 ပူးပေါင်းရင်းမြစ်များ

Ezekiele 22:28

Nave anamallotellaaye ennavittha ddenndda wonanko mmo eneerella athu voomarani otooto waweella, ennaddihuruwella ni nnddo enaddooniiwa voollohani ddawoottha ni makhangiiwa oolleka. Ennallota wi, ‘Apwiya enallota nndda’ Koma mi Apwiya Mulluku kihillotille ddennddo.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Ezekiele 22:25

Oohoollellaaye tti wonanko mikango ddoothuruma voopharani enama. Aawiipha athu, ahaakha eyuuma ni ddeko ddoowallamella mutengo ni waatthattusa atthiyana anchichi anaamukhwelle m'muzindanimmo.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Yeremiya 37:19

Ethiyo eri wuuwi anamallotellaanyu alle yuullotenlleni wi mwene a o Babiloni khawa uuhellani ekhoto nyuwaano ni ellapwaanyu?

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Yeremiya 23:36

Koma muhillotekettho wi, ‘Olla tti othenga woollemella wa Apwiya.’ Othenga woollemella wa arive muthu tti mawu mwaneenaaye vawi mwaavirikaniha mawu a Mulluku Ookumi, Apwiya Amasiva Mattheene, Mullukwaahu.

Yeremiya 23:22

Yakhanlleke ni miyaano va mutthukumanwaaka, yaaweerollalleya mawaaka wa athwaaka ni waavenyihamo athwaaka mu ettilla ddiwa ddoonanara wi ehiye machimwiiwa.”

Yeremiya 20:6

Nave we Pashuri ni attheene a munibanjani nawo eneerewuupharanittho okaporo wuuyaanani o Babiloni. Munaakhwelle ni ovitthiwa wenko, weyaano ni akhwaawo ayo waallotelleewe ddawoottha.’ ”

Yeremiya 29:21

“Apwiya Amasiva Mattheene, Mulluku a Israele, aallota mawu a dda Ahabu mwaana a Kalaya ni a Zedekiya mwaana a Maaseiya oyo uullotellani ddawoottha munnddina na Apwiya. Alliwa eni eneerewaavelleella m'mattani mwa Nebukadinezara mwene a o Babiloni nave olliye aneerowiiphani nyuwaano moonaka.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Ezekiele 23:36

Apwiya yaakikoha wi, “We mwaana a muthu, ethiyo onnapaalla omweeruza Ohola ni Oholiba? Vano owiipe mullatu ekaamba ya ddoonanara nnddo yaddeerilliiwa.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.