Maliro 2:13 - Mawu a Mulluku

¹³ We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Maliro 2:13 ပူးပေါင်းရင်းမြစ်များ

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

2 Samuele 5:20

Sika Davide aaya o Baala Perazimu awanana ekhoto nave ahaagonjiha Afilistaayo. Vano aallota wi, “Mulluku ookiphariha mutteko wi kaagonjihe adanaaka wonanko maaddi eechigumula.” Sika ekaambiiwa nipuro nenne ninaromolliwa wi Baala Perazimu.

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Masalimo 60:2

Mootikha ellapo, mooyitthalla, potokosani mitthari ddiwa vawi yoheengereya.

2 Mamwene 19:21

Voomuvaanyihani mwenooyo Apwiya yaallota wi, “We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Yeremiya 9:18

Athu enallota wi, “Ewe mwawaakuva eninllelle wi m'miitthoni mwahu mumore miitthori, ekwikwi ddahu ddinaane.”

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Ezekiele 32:31

“Farao ni milloko ddaye ddakhoto yoona ddittheddenenndda mirima ddiwa ddineerokhurumuwa voowuupuwellani waata wa athu ayo yiiphiwe vakhotoni. Mi Apwiya Mulluku koollota.