Maliro 2:12 - Mawu a Mulluku

¹² Anamwanaayo enimawinllella ameewa wi, “Ethiyo yoocha ni maaddi ddiri wuuwi?” Enakoha ddenndda nngu engomowaka wonanko athu oohomiwa m'misewuni dda m'mizindani, elluwellaka vang'ono vang'ono m'mattani mwa ameewa.

Maliro 2:12 ပူးပေါင်းရင်းမြစ်များ

Ezekiele 30:24

Kineerollipiha matta a mwene a o Babulo nave kineerohiya m'mattani mwaye nsupada naka. Koma Farao kineeromwinttaka matta nave aneerewiipullella wonanko oophoriihiwa variyari va mwene a o Babulo.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Yobu 30:16

Vano murimaaka wookhumamo, enthawi ya ddookatamiha yookiphara.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Maliro 4:4

Nllumi na awaamwa ninnuumellella ommilloni ekaamba ya nthona. Anamwani ang'onong'ono ennaveka yoocha koma khaavo anaavaha naari vang'ono.

Yesaya 51:20

Anaawo aakomowa, eri millumillu va misewu ddittheddene wonanko mphoyo ookoliwa munthavini. Wohaamorella osha murima wa Apwiya, ohumullulla wa Mullukwiiwa.

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”