Maliro 2:10 - Mawu a Mulluku

¹⁰ Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Maliro 2:10 ပူးပေါင်းရင်းမြစ်များ

Yesaya 3:26

Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.

Yesaya 15:3

Athu a m'misewuni ewanre eziguduli, vaddullu va enyumba ni m'mathatoni arive muthu aninlla mookhuwa amorihaka miitthori.

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Maliro 3:28

Muthu akeraatthi vatthi moomaalleya, Apwiya yaamureyaka nigoli.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yesaya 47:1

Apwiya enallota wi, “We namwalli, Babiloni, kittha okeraatthi vanthupini. We namwalli, Babiloni, keraatthi vatthi voohikhalla mpando woomwene, vawi kheyuuromollattho awoollowa ni ooreera.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yawuupullulla 18:19

Yahiihella nthupi m'muruni mwiwa nave yinlla ni ommorella ethakaraka ellota wi, “Otulli! Otulli! Muzinda woovuwooyo! Olla tti muzinda oyo athu attheene yaari ni ekallawa ddiwa ddaweeta va enyanja yaatukhuwa ni eyuumiiwa! Nave va enthawi yooyeva, eyuuma ettheeneelle yoomalla!”

Amosi 8:13

Va nllapo nenno, naari anamwalli ooreera ni asombwe amasiva eneerongomowa ni nthona.

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Yowele 1:8

Nyu athu, inllani wunchichi, wonanko namwalli awanre echiguduli ekaamba ya okhwa wa musombwe oyo apaalla omutthella.

Ezekiele 27:31

Yaaniichema mpala ekaamba ya weyaano, yaanawara eziguduli eninlla ni murima woovoreya.

Maliro 5:14

Attekweene aapallalleya va nthato na muzinda, machipo a asombwe kheniiweyattho.

Maliro 5:12

Enduna ddinnatthomeyiwa voomakellellani mattiiwa, naarittho attekweene khenavahiwa olemu.

Maliro 4:16

Apwiya mwaneeniiwa sika yaamwarille, khenapwathawottho dda alliwa. Kheyaavahillettho olemu allupa mukutho, apaalle oweerella echifundo attekweene.

Maliro 4:5

Ayo yavona ddaphaama, enamallella okhwa m'musewuni. Ayo yawara ddooreera ddoofiira, ekonaatthille vaddallani.

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Yesaya 47:5

Anamulleella Babiloni wi, “We namwalli Babiloni, era ellapo tuu ni ovollowa mwiipiphini, khewa yuuromollattho mwene aamutthiyana a moomwene.

Yesaya 36:22

Vano Eliyakimu mwaana a Hilikiya muullupalli oowehera enyumba yoomwene, Shebina namalembella ni Yowa mwaana a Asafu ookavihera, yahaahulla ddoowara ddiwa mweethakaraka nave yaaya wa mwene Hezekiya yamulleella ddallotille enduna ya a o Asiriya.

2 Samuele 13:19

Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

Ezekiele 27:30

Attheenaayo ennawinllella wunchichi owinllella, yiihellaka nthupi omuruni, edduupurusaka muntuurani.

Yona 3:6

Mwene o Nineve vawiiwani ddennddo, aakittha va vampandoni vaye woomwene nave aarullattho mukanjwaaye. Aawara echiguduli nave ahiiyeviha vookeraatthi vaddallani.