Maliro 2:1 - Mawu a Mulluku

¹ Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Maliro 2:1 ပူးပေါင်းရင်းမြစ်များ

Masalimo 132:7

Hankoni niye onipuroni Apwiya enakhalliiwawo, naallapelle woonyingallavo manyallwiiwa.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

Luka 10:18

Vano Yesu ahaalleella wi, “Kaamoona Satana amoraka wonanko ettari ovenyera oddullu.

Mateyu 11:23

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Ezekiele 30:18

O Tehafinehesi oneerokhalla epiphi kaamallihaka masiva a Iguputo. Vano wiitukhulla waye oneeromalla, mirapo ddineeromuhuruwella nave ookhalla m'mizi ddaye eneerophariwa okaporo.

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Luka 10:15

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena.”

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

2 Samuele 1:19

“We Israele, athwaawo ootitimiheya ekhwenlle vamiyaangoni, Mhu! Athu amasiva ekhwille mwawi ddiidda!

1 Samuele 4:21

Vano mwaanooyo aamuvaha nnddina nawi Ikabodi, ottaphullella wi, “Ntitimiho noovenyawo wa Aisraele!” Eerille ddiiddo kaambiiwa nibokosi na echipangano na Apwiya naari naakhiwe nave ekaamba ya okhwa wa attiitthinnya a mamune ni mamuneene.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Ezekiele 19:12

Koma waatulliwa moowalli okuhiwa, ahumma ni ephevo ya wookhuma nndduwa, ezipaso ddiwa ddaavakareya, nthimwa nahumma, muteekho muttheene osha ni munllo.

1 Samuele 4:22

Mawaaye yaari yaayo awi, “Ntitimiho noovenyawo wa Aisraele vawi nibokosi na echipangano na Apwiya nohaakhiwa.”

Masalimo 89:45

Moomuulluvalliha mwawaakuva, moomuhuruwella ni owulliha muru.”

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Ezekiele 13:13

“Ella sika ekaambiiwa mi Apwiya Mulluku kinalloteemi wi, ‘Kineerorumiha ephevo yawoopiha moosha murima. Kineeromurupiha murimu amasiva moowalli Kineeromoriha marallalla muullupalli moovoriiha murima ophiyera esireeyo yoonongeyesese.