Maliro 1:9 - Mawu a Mulluku

⁹ Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Maliro 1:9 ပူးပေါင်းရင်းမြစ်များ

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Yesaya 47:7

Waganiza wi enthawi ddittheddene onaakhalle mwene aamutthiyana, mwawi ddeko ddenndda khewaaddipwathille m'murimani mwawo, khewaaganizerettho mmo ddinaamallelliiwa.

Maliro 1:17

Ziyoni ootukhulla matta, koma khaavo naari mmodda oomukhurumusa. Apwiya aalamula moomuvaanyiha Yakobo wi awaatamananaaye etthattuwe adanaaye. Yerusalemu ootthattuwa ello yoonanara variyari viwa.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Masalimo 25:18

Onani ddoohoosa ddaka ni ddookatamiha ddaka, kikhululukelleni machimwaaka mattheene.

Zefaniya 2:10

Nngu onaakhalle ollakiwa kaambiiwa yahiitukhulla, yahaavevulla Apwiya Amasiva Mattheene.

Yeremiya 48:26

“Mumulezelihe Mowabu kaambiiwa ahiitukhulla vawaawukilani Apwiya. Atthaveyiwe m'marapheywaaye nave akhalle ello yoottheyiwa.

Yeremiya 2:34

Ddoowara ddanyu ddoofiira ni nikhame na athu oohoowa oohichimwa naari mwaahaaphwanyille yinttakaka enyumba. “Komave naari ddiri ddiidda,

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

Masalimo 119:153

Wehani ohoosiwa waka, kaakihereni vawi nginatiwalla malamulwaanyu.

1 Petro 4:17

Enthawi yookwakhwana wi echiweruzo yaambe nave athu a Mulluku sika enaambe weeruziwa. Yaamba ni hiyaano, enaamalle mwawiidde wa ayo ehinakhulupilila othenga waphaama wa Mulluku?

Yohane 11:19

Nave Ayuda anchichi yaari ewiille wa Marita ni Mariya wi yaakhurumuse murima ekaamba ya okhwa wa Lazaro.

Hoseya 2:14

“Vano ngiiwani, kineeromukopa mutthiyanooyo wi kiyeena o echipululu, kamuhakallallihe ni mawu eechikondi.

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 16:7

Khaavo oyo anaamuvahe yoocha muthu awinlla wi amukhurumuse murima ekaamba ya ookhwaayo. Khamuvaha yoowirya wi amukhurumuse murima naari ookhwaayo eri attiitthinnya apaalle amennya.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 54:11

“We muzinda woohoosiwa, woorama nikavihero, woohikhalla ni awuukhurumusa murima, kineeroweeriha mallukwaawo, kineeromakattho matthipellwaawo ni malluku oowallamella mutengo a Safire.

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Yesaya 37:29

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Yesaya 37:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Masalimo 140:8

Nyu Apwiya, muhinamuvaha muthu oonanara ddoopaalla ddaye, muhinamukavihera echiwembwaaye.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

2 Mamwene 14:26

Apwiya yahoona wi ddookatamiha dda Aisraele ddaari ddawoopiha. Khaavo naari mmodda ahanlle kaporo apaalle oottaphulliwa, awi ttuuwakavihera.

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Deuteronomo 26:7

Vaavo hiyaano nahinllella wa Apwiya Mulluku a makhollwaahu wi enikavihere. Alliwa yaaniiwa nave yahoona ohoowa wahu, mutteko wootopiha oyo Aiguputwaalle yanipharihiiwa navettho okumaahu woopaneyooyo.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Yesaya 51:19

Ddoohoosa piilli ddohuumorella, ellapwaawo yoomora ni woonongeya, athwaawo aatthollowa ni ettalla ni ekhoto. Ttaani anaaweerelle echifundo? Ttaani anuukhurumuse murima?

Maliro 5:1

Nyu Apwiya, upuwellani ddinimorenllenndda, ngoonani nave wehani owullihiwa muru wahu.