Maliro 1:8 - Mawu a Mulluku

⁸ Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Maliro 1:8 ပူးပေါင်းရင်းမြစ်များ

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Yeremiya 13:26

Mi Apwiya kineerokwinya ddoowara ddanyu ophiyera omuruni nave muneerowulliwa muru.

Yeremiya 13:22

Apaalle ttuuwiikoha wi kaambiiwa tini ddenndda dduumorenlliiwani. Ekaamba ya machimwaanyu awoopiha ddoowara ddanyu ddohaahulliwa nave moopharelliwa.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

Hoseya 2:10

Vano kineerewoonihella vaweella epwillimwinddaaye wa ezibwenzi ddaye nave khaavo naari mmodda anaamwaakihere m'mattani mwaka.

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.

Ezekiele 23:46

Mi Apwiya Mulluku kinallota wi, “Mwiithane mulloko wa athu wi waahoose ni owaakha eyuumiiwa.

Ezekiele 23:29

Alliwa eneerowiita, eneerowaakha ddittheddene waphwanyilleewe mooraruwa nave eneerewuuhiya ori epwillimwinddive ni oosiwa. Mwiilli oyo wararuwaneewe oneerokhalla woohiwara. Ddoonanara ddawo ni oraruwa wawo

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.

Maliro 2:10

Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yeremiya 15:4

Kineerewaatthattusa ello yawoopiha wa athu a moomwene mattheene a va ellapo yavatthi ekaamba ya nnddo Manase mwaana a Hezekiya, mwene a o Yuda, eerilleeye o Yerusalemu.”

Yeremiya 6:28

Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 47:3

Epwillimwinddaawo enaakhalle vaweella, oneerowulliwa muru wunchichi, kineerohokollosella ddoonanara, khaavo anaakihiihe.”

1 Mamwene 9:9

Vano athu eneerekowaakhulla wi, ‘Ekaambiiwa tti yawi athwaayo yahaahiya Apwiya Mullukwiiwa ayo yaakhumihalle makhollwiiwa mu Iguputo nave yaallapella ni orumeyella milluku ddimodda. Elle sika ekaambiiwa Apwiya eweerelliiwa yoonanareella.’ ”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Genesis 3:7

Echille, yaadduwella wi yaari epwillimwinddive. Sika yahiisowella mutambullo wa makukhu a namukuyu.

Maliro 1:17

Ziyoni ootukhulla matta, koma khaavo naari mmodda oomukhurumusa. Apwiya aalamula moomuvaanyiha Yakobo wi awaatamananaaye etthattuwe adanaaye. Yerusalemu ootthattuwa ello yoonanara variyari viwa.

1 Mamwene 9:6

“Koma we apaalle anaawo mwahokollweella mutulli ohiya okithwara, ohisunga malamulwaaka ni malangizwaaka ayo kuuvahilleemini nave mwaamba orumeyella ni oddillapella milluku ddimodda,

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Ezekiele 39:23

Athu a mu ellapo ddimodda eneerodduwella wi Aisraele yaaphariwa okaporo ekaamba ya machimwiiwa nave ekaamba ya ohiroromelleya. Kahaareya etulli nave kahaavelleella m'mattani mwa adaniiwa. Vano attheenaayo yaakhwa vakhotoni.