Maliro 1:7 - Mawu a Mulluku

⁷ Va mallapo a ddookatamiha ddaye ni ohollowa waye, Yerusalemu annuupuwella ddaphaama ddittheddene nnddo aariiyena mallapo akhalle. Athwaaye yavelleelliwiiwa m'mattani mwa adani, khaarivo oomukavihera. Adanaaye yaanamuwehesesa moomunyindulla, ettheyaka omora waye.

Maliro 1:7 ပူးပေါင်းရင်းမြစ်များ

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.

Hoseya 2:7

Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Yeremiya 37:7

“Mi Apwiya Mulluku a Israele, kinallota wi mwene a o Yuda oyo urumme wi okiveke ezeru, wamulleelle wi, ‘Ngoonani, akhoto a Farao ayo yawiille wi yuukavihere, eneerohokollweella owaniwa o Iguputo.

Masalimo 77:3

Kaawuupuwellaka dda Mulluku, kinniipullella m'murimani. Kaaganizellaka dda olliye, kinnatathilla murima.

Yobu 29:2

“Ha, waphaama kahokollweelleke mwakhalle, mallapo ayo Mulluku akiwehereeye,

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

Yeremiya 48:27

Mowabu, onnuupuwella mmo wamunyaambuselleewe Israele nave mmo waavevullelleewe wonanko allupaawiiya?

Yesaya 64:10

Mizinda ddanyu ddaweella ddootthattuwa echipululu, Ziyoni ootthattuwa nihaka, Yerusalemu ootthattuwa mukhwaadduni.

Ezekiele 25:3

Alleelle wi, ‘Nyu Aamoni, iwani mawu a Apwiya Mulluku awi mwaaromolla mawu oonyemulla moonille nipuro naka noopatuleya niripihiwaka, ethaya ya Israele yoonongiwe nave athu a o Yuda ephariwe okaporo.

Ezekiele 25:6

Mi Apwiya Mulluku kinallota wi, ‘Mwahoopa m'mattani ni olluphallupha moohakallalla nave mwaanyemulla ellapo ya Israele ni murimaanyu muttheene.